«Qazaqstandaǵy inkliýzivti bilim berý úrdisi» dep atalǵan kezdesýge Abai atyndaǵy QazUPÝ rektory Darhan Bilálov, Pedagogika jáne psihologiia institýtynyń direktory Ǵaliia Abaeva jáne stýdentter qatysty.
Kezdesýdiń maqsaty – elimizdegi pedagogika salasynda bolyp jatqan ózgeristerdi túsindirý, suranystaǵy mamandyqtardyń qyr-syrymen bólisý, bolashaq ustazdarǵa baǵyt-baǵdar berý.
Óz kezeginde rektor Darhan Bilálov myrza inkliýzivti bilim berýdiń mańyzdylyǵyna toqtalyp, múmkindigi shekteýli jandardyń bilim alýǵa qoljetimdiligin qamtamasyz etý úshin memleket tarapynan jasalyp jatqan bastamalardy atap ótti.
Erekshe bilim berý qajettilikteri bar balalardy oqytatyn mektepterdi joǵary kásibi mamandarmen qamtamasyz etý mańyzdy mindet ekenin jetkizdi.
Inkliýzivtik bilim berýdiń tájiribeli sarapshysy Aigerim Kýderinova stýdentterge inkliýzivtik bilim berýdiń erekshelikteri men múmkindikteri týraly jan-jaqty aityp, óz tájiribesimen bólisti.
Sonymen qatar, ýniversitet stýdentteri erkin formatta pedagogikalyq is-tájiribe barysynda jinaqtaǵan tájiribeleri týraly aityp, jalpy jáne inkliýzivti bilimge muqtaj balalarmen qalai jumys isteý kerektigi týraly kóterilgen suraqtar boiynsha óz pikirlerin bildirdi.
Abai atyndaǵy QazUPÝ inkliýzivti bilim berýdi damytýǵa laiyqty úles qosyp kele jatqan elimizdegi birden bir oqý oryn.
Máselen, osy jyly «Dara» qorynyń qoldaýymen inkliýzivti bilim berýdiń oqý-zertteý zerthanasy ashyldy, onda osy saladaǵy sarapshylarmen birlesip inkliýzivti jáne arnaiy bilim berý salasynda zertteýler júrgizilgen bolatyn. Búginde oqý orynda stýdentterdi oqytý jáne jańa formatsiiadaǵy bilikti, praktikaǵa baǵdarlanǵan pedagog kadrlardy daiarlaýda zerthana resýrstary men jańa salalyq tehnologiialardy paidalaný barynsha kúsheitilgen.
