ەۋرووداقتى تاراتىپ، مۇشە ەلدەرگە تولىق ەگەمەندىك قايتارۋ قاجەت. مۇنداي پىكىردى X الەۋمەتتىك جەلىسىندە ميللياردەر يلون ماسك ايتتى، دەپ حابارلايدى Dalanews.kz.
ونىڭ سوزىنشە، «ۇكىمەتتەر ءوز حالىقتارىنىڭ مۇددەسىن جاقسىراق قورعاي الۋى ءۇشىن» ەو-نى جويۋ كەرەك. تاعى ءبىر جازباسىندا كاسىپكەر «ەۋرووداقتىڭ بيۋروكراتيالىق جۇيەسى ەۋروپانى باياۋ تۇنشىقتىرىپ جاتىر» دەپ سىن ايتتى.
ماسك بۇعان دەيىن دە ەو جۇمىسىنا ءجيى كۇمان كەلتىرىپ، مۇشە مەملەكەتتەرگە بىرلەستىكتەن شىعۋدى ۇسىنعان. ال بۇل جولعى پىكىرتالاس ەۋروكوميسسيانىڭ X كومپانياسىنا €120 ملن ايىپپۇل سالۋىنان تۋىندادى. ايىپپۇل سيفرلىق قىزمەتتەر تۋرالى زاڭ (Digital Services Act، DSA) تالاپتارىنىڭ ورىندالماۋىنا بايلانىستى كەسىلگەن.
ەۋرووداق بيلىگىنىڭ قورىتىندىسىنا سايكەس، X الەۋمەتتىك جەلىسى ءداستۇرلى تۇردە رەسمي اككاۋنتتاردى راستاۋعا ارنالعان «كوك بەلگى» جۇيەسىن دۇرىس ۇيىمداستىرماعان. قولدانۋشىلار بۇل بەلگىنى ساتىپ الا الادى، ال بۇل ءوز كەزەگىندە باسقا ادامداردى شاتاستىرۋى مۇمكىن. سونىمەن قاتار، سەرۆيستىڭ جارنامالىق مالىمەتتەردى اشىق جاريالاماۋى جانە ورتاق دەرەكتەرگە رەتتەۋشىلەرگە قولجەتىمدىلىك بەرمەۋى زاڭبۇزۋشىلىق رەتىندە كورسەتىلدى.
