سٶزٸمٸزگە دەلەل الماتىدا Vلاست ينتەرنەت جۋرنالى جەنە شەۆرون كومپانيياسىنىڭ قولداۋىمەن «يدەيا فورۋمىن» ٶتتٸ.
شارا ۇيىمداستىرۋشىلارىنىڭ پٸكٸرٸنشە, «يدەيا فورۋمى» قالانىڭ بەلسەندٸ قاۋىمىنا جەنە شىعارماشىلىق ٶكٸلدەرٸنە ٶز جوبالارىن تانىستىرۋعا مٷمكٸندٸك بەرەتٸن الاڭ بولماق.
جوبا اۆتورلارىنىڭ يدەيالارى قالا ٶمٸرٸن ٶزگەرتەتٸن, قالانىڭ ەكٸنشٸ تىنىسىن اشاتىن دٷنيەلەرگە نەگٸزدەلۋٸ تيٸس.
ايتا كەتەلٸك, وسىناۋ شارانىڭ باس دەمەۋشٸسٸ – شەۆرون كومپانيياسى.
ال «يدەيا فورۋمىن» ۇيىمداستىرۋعا بٸر توپ بەلسەندٸلەر, ونىڭ ٸشٸندە تانىمال سەۋلەتشٸ, Urban Forum Almaty-نىڭ نەگٸزٸن قالاۋشى ەسەل ەسجانوۆا, ArchCode جوباسىنىڭ نەگٸزٸن قالاۋشى ەدٸل ەجيەۆ جەنە ٶزگە تانىمال قوعام قايراتكەرلەر اتسالىسقان.
جوبا ۇيىمداستىرۋشىلارى بٸرنەشە اي بويىنا قالا ٶمٸرٸن, قالانىڭ شاعىن اۋداندارىنداعى احۋالدى جاقسارتاتىن, وڭ ٶزگەرٸستەرگە باستايتىن يدەيالار ەزٸرلەۋمەن اينالىسقان ەكەن.
اتاپ ايتساق, مۇنىڭ ٸشٸندە قالا كٸتاپحانالارىنا وقىرمان تارتۋ, قوعامدىق دەمالىس ورىندارىنىڭ ساپاسىن جاقسارتۋ, مٷمكٸندٸگٸ شەكتەۋلٸ ازاماتتاردىڭ جٷرٸپ-تۇرۋىنا قولايلى ورتا قالىپتاستىرۋ سىندى ٶزەكتٸ جوبالار قولعا الىنعان.
«يدەيا فورۋمى» قالا تٸرشٸلٸگٸنە قولايلى جوبالار ۇسىنادى. كەمشٸلٸكتەردٸ تٷزەۋگە, تٷيتكٸلدەردٸ تارقاتۋعا تىرىسادى. يدەيالاردىڭ بارلىعى ٶمٸردٸڭ ٶزٸمەن ٷندەس. ياعني, قوعامدىق قولدانىسقا قاجەتتٸ جوبالار. ولاردىڭ بارلىعى دا الداعى ۋاقىتتا جٷزەگە اساتىن بولادى», – دەيدٸ شارا ۇيىمداستىرۋشىلارى.
وسىناۋ فورۋمعا سونىمەن قاتار بيزنەس ٶكٸلدەرٸ, مەملەكەتتٸك جەنە قوعامدىق قۇرىلىمدار, قالا بەلسەندٸلەرٸ دە اتسالىسۋدا.
"يدەيا فورۋمى" اياسىندا الماتىنىڭ "قاراسۋ" شاعىناۋدانىنداعى كٶل جاعاسىندا جازعى امفيتەاتر اشىلدى. بۇدان بۇرىن بۇل الاڭقاي قاراۋسىز جاتقان.
ەندٸگٸ جەردە "قاراسۋ" اۋدانىنىڭ 15 مىڭعا جۋىق تۇرعىندارى كەشكٸ سەرۋەندٸ دەل وسى ارادا ٶتكٸزە الادى.
جوبا ۇيىمداستىرۋشىلارى بۇل ارادان كەزدەسۋگە, سەرۋەندەۋگە تٷرلٸ ويىندار ٶتكٸزۋگە ىڭعايلى كەڭٸستٸك قۇرۋعا قول ۇشىن سوزدى. جوبا جەتەكشٸلەرٸ مۇنىمەن شەكتەلٸپ قالماق ەمەس. الداعى ۋاقىتتا بۇل ارادا سپورت الاڭى, كٶل جاعاسىندا وتىرۋعا ىڭعايلى ورىندار, جاياۋ جٷرگٸنشٸلەر جولى جاسالىپ, باۋ-باقشا وتىرعىزىلادى.
