Sózimizge dálel Almatyda Vlast internet jýrnaly jáne Shevron kompaniiasynyń qoldaýymen «Ideia forýmyn» ótti.
Shara uiymdastyrýshylarynyń pikirinshe, «Ideia forýmy» qalanyń belsendi qaýymyna jáne shyǵarmashylyq ókilderine óz jobalaryn tanystyrýǵa múmkindik beretin alań bolmaq.
Joba avtorlarynyń ideialary qala ómirin ózgertetin, qalanyń ekinshi tynysyn ashatyn dúnielerge negizdelýi tiis.
Aita ketelik, osynaý sharanyń bas demeýshisi – Shevron kompaniiasy.
Al «Ideia forýmyn» uiymdastyrýǵa bir top belsendiler, onyń ishinde tanymal sáýletshi, Urban Forum Almaty-nyń negizin qalaýshy Ásel Esjanova, ArchCode jobasynyń negizin qalaýshy Ádil Ájiev jáne ózge tanymal qoǵam qairatkerler atsalysqan.
Joba uiymdastyrýshylary birneshe ai boiyna qala ómirin, qalanyń shaǵyn aýdandaryndaǵy ahýaldy jaqsartatyn, oń ózgeristerge bastaityn ideialar ázirleýmen ainalysqan eken.
Atap aitsaq, munyń ishinde qala kitaphanalaryna oqyrman tartý, qoǵamdyq demalys oryndarynyń sapasyn jaqsartý, múmkindigi shekteýli azamattardyń júrip-turýyna qolaily orta qalyptastyrý syndy ózekti jobalar qolǵa alynǵan.
«Ideia forýmy» qala tirshiligine qolaily jobalar usynady. Kemshilikterdi túzeýge, túitkilderdi tarqatýǵa tyrysady. Ideialardyń barlyǵy ómirdiń ózimen úndes. Iaǵni, qoǵamdyq qoldanysqa qajetti jobalar. Olardyń barlyǵy da aldaǵy ýaqytta júzege asatyn bolady», – deidi shara uiymdastyrýshylary.
Osynaý forýmǵa sonymen qatar biznes ókilderi, memlekettik jáne qoǵamdyq qurylymdar, qala belsendileri de atsalysýda.
"Ideia forýmy" aiasynda Almatynyń "Qarasý" shaǵynaýdanyndaǵy kól jaǵasynda jazǵy amfiteatr ashyldy. Budan buryn bul alańqai qaraýsyz jatqan.
Endigi jerde "Qarasý" aýdanynyń 15 myńǵa jýyq turǵyndary keshki serýendi dál osy arada ótkize alady.
Joba uiymdastyrýshylary bul aradan kezdesýge, serýendeýge túrli oiyndar ótkizýge yńǵaily keńistik qurýǵa qol ushyn sozdy. Joba jetekshileri munymen shektelip qalmaq emes. Aldaǵy ýaqytta bul arada sport alańy, kól jaǵasynda otyrýǵa yńǵaily oryndar, jaiaý júrginshiler joly jasalyp, baý-baqsha otyrǵyzylady.
