حالىقارالىق CERAWeek 2025 ەنەرگەتيكالىق كونفەرەنتسيياسى اياسىندا قازاقستان رەسپۋبليكاسىنىڭ ەنەرگەتيكا مينيسترٸ الماسادام سەتقاليەۆ اقش ەنەرگەتيكا مينيسترٸ كريس رايتپەن كەزدەستٸ. كەزدەسۋدٸڭ نەگٸزگٸ تاقىرىپتارى مۇناي-گاز سالاسىنداعى بٸرلەسكەن جوبالاردى ٸسكە اسىرۋ, ەكٸ ەل اراسىنداعى ستراتەگييالىق ەنەرگەتيكالىق ديالوگتى (سەد) دامىتۋ, ەنەرگييا رەسۋرستارىن جەتكٸزۋدٸ ەرتاراپتاندىرۋ جەنە "جاسىل" ەنەرگەتيكا سالاسىنداعى ىنتىماقتاستىق مەسەلەلەرٸ بولدى, دەپ حابارلايدى Dalanews.kz.
مينيسترلەر قاشاعان, تەڭٸز جەنە قاراشىعاناق جوبالارىنىڭ ٸسكە اسىرىلۋ بارىسىن جان-جاقتى تالقىلادى. قازاقستاندىق تاراپ بۇل جوبالارعا امەريكالىق ينۆەستيتسييالار مەن تەحنولوگييالاردى تارتۋدىڭ ماڭىزدىلىعىن اتاپ ٶتتٸ.
سەد اياسىندا تاراپتار پارنيكتٸك گازدار شىعارىندىلارىن ازايتۋ, جاڭارتىلاتىن ەنەرگييا كٶزدەرٸن (جەك) دامىتۋ, بەيبٸت اتوم ەنەرگەتيكاسى سالاسىنداعى ٶزارا ٸس-قيمىل جەنە ستراتەگييالىق ماڭىزى بار ماتەريالداردى ٶندٸرۋ سيياقتى باعىتتار بويىنشا ىنتىماقتاستىق پەرسپەكتيۆالارىن قاراستىردى. قازاقستان شاعىن مودۋلدٸك رەاكتورلاردى (SMR) ەزٸرلەۋ جەنە پايدالانۋ بويىنشا اقش تەجٸريبەسٸن زەرتتەۋگە قىزىعۋشىلىق بٸلدٸردٸ.
كەزدەسۋدە قازاقستان مۇنايىن تاسىمالداۋ مارشرۋتتارىن ەرتاراپتاندىرۋ مەسەلەسٸنە ەرەكشە نازار اۋدارىلدى. مينيستر سەتقاليەۆ ترانسكاسپيي حالىقارالىق كٶلٸك دەلٸزٸنٸڭ ماڭىزدىلىعىن اتاپ ٶتٸپ, ونىڭ دامۋىنا اقش-تىڭ قولداۋ كٶرسەتەتٸنٸنە سەنٸم بٸلدٸردٸ.
تاراپتار, سونداي-اق, سانكتسييالىق شەكتەۋلەردٸڭ قازاقستاندىق مۇنايدى ەلەمدٸك نارىققا تۇراقتى جەتكٸزۋگە ەسەر ەتۋ مەسەلەلەرٸن تالقىلادى.
"قازاقستان مەن اقش ەنەرگەتيكا سالاسىندا ستراتەگييالىق سەرٸكتەستەر بولىپ تابىلادى. بٸز ٶزارا ىنتىماقتاستىعىمىزدى جوعارى باعالايمىز جەنە ونى ودان ەرٸ كەڭەيتۋ ٷشٸن, ەسٸرەسە "جاسىل" ەنەرگەتيكا جەنە جاڭا تەحنولوگييالار سالاسىندا, زور ەلەۋەت كٶرٸپ وتىرمىز. ورتاق كٷش-جٸگەرٸمٸز جاھاندىق ەنەرگەتيكالىق قاۋٸپسٸزدٸكتٸ قامتاماسىز ەتۋ مەن تۇراقتى دامۋعا ەلەۋلٸ ٷلەس قوسادى دەپ سەنەمٸن", – دەپ مەلٸمدەدٸ قازاقستان رەسپۋبليكاسىنىڭ ەنەرگەتيكا مينيسترٸ الماسادام سەتقاليەۆ.
ايتا كەتسەك, بۇعان دەيٸن اقش مەملەكەتتٸك حاتشىسى ماركو رۋبيو قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇرات نۇرتٸلەۋمەن تەلەفون ارقىلى سٶيلەسكەن بولاتىن. تاراپتار ساياسي ديالوگ پەن ەكونوميكالىق بايلانىستاردى نىعايتۋعا ەرەكشە نازار اۋدارا وتىرىپ, كەڭەيتٸلگەن ستراتەگييالىق سەرٸكتەستٸكتٸڭ قازٸرگٸ جاي-كٷيٸ مەن دامۋ پەرسپەكتيۆالارىن تالقىلادى.
