ەندى ەسكى كولىك ايداپ جۇرگەندەرگە 1،4 ميلليون تەڭگە ايىپپۇل سالىنۋى مۇمكىن، - دەپ حابارلايدى Dalanews.kz. 

بۇل تۋرالى قوعام بەلسەندىسى سانجار بوقايەۆ ايتتى. 

"ەندى ءبىزدىڭ مەملەكەت ەسكى كولىك ايداپ جۇرگەن قازاقستاندىقتارعا 1،4 ميلليون تەڭگەدەي ايىپپۇل سالماق. ستاتيستيكانى الاتىن بولساق، ەلىمىزدە 4 ميلليون اۆتوكولىك بار ەكەن. سونىڭ تەڭ جارتىسى - 2 ميلليونى 20 جىلدان اسقان ەكەن. ەندى كەز كەلگەن ەكىنشى جۇرگىزۋشى ەلىمىزدە ايىپپۇل تولەۋگە ءماجبۇر. سەبەبى 20 جىلدان اسقان اۆتوكولىك ەكولوگيالىق ستاندارتتارعا ساي كەلمەيدى. بىرىنشىدەن، ءبىزدىڭ اۆتوپاركتەردىڭ ەسكىرىپ، توزىپ كەتكەنىنە حالىق كىنالى ەمەس، ۇكىمەتتىڭ ءوزى كىنالى. سەبەبى سوڭعى ون جىلدىڭ ىشىندە ۋتيلالىم، باسقا دا نارسەلەرگە وتە جوعارى كولەمدەگى تولەمدەر بار، سونىڭ ءبارى اۆتوكولىك تاپشىلىعىنا، ونىڭ قىمباتتاۋىنا الىپ كەلدى دە حالىقتىڭ قالتاسى ونى كوتەرە الماي قالدى"، - دەيدى سانجار بوقايەۆ. 

سانجار بوقايەۆ بۇل ۇلكەن ادىلەتسىزدىك ەكەنىن ايتادى.

"بيلىك وليگوپوليامەن كۇرەسەمىز، ەلدەن ۇرلانعان اقشانىڭ ءبارىن قايتارامىز دەپ قانشاما ايتىپ كەلەدى. ءبىراق ءالى حالىقتىڭ قالتاسىنا قول سۇعا بەرۋدى توقتاتپادى. مەنىڭ ۇسىنىسىم - ەكولوگيانى شىنىمەن ويلاساڭىزدار اۆتوپاركتى جاڭارتۋ كەرەك. ول ءۇشىن ۋتيلالىم، كەدەن جانە باسقا دا تولەمدەرداى ازايتۋىمىز كەرەك. حالىققا ايىپپۇل سالا بەرمەي، كىشكەنە بولسا دا جاعدايىن جاساپ بەرۋدى ۇكىمەت قاشان ويلايدى ەكەن؟"، - دەيدى ول. 

Dalanews.kz ءتىلشىسى بۇل اقپاراتتىڭ راس-وتىرىگىن انىقتاۋ ماقساتىندا ءتيىستى ورگاندارعا سۇراۋ سالدى.