Endi eski kólik aidap júrgenderge 1,4 million teńge aiyppul salynýy múmkin, - dep habarlaidy Dalanews.kz.
Bul týraly qoǵam belsendisi Sanjar Boqaev aitty.
"Endi bizdiń memleket eski kólik aidap júrgen qazaqstandyqtarǵa 1,4 million teńgedei aiyppul salmaq. Statistikany alatyn bolsaq, elimizde 4 million avtokólik bar eken. Sonyń teń jartysy - 2 milliony 20 jyldan asqan eken. Endi kez kelgen ekinshi júrgizýshi elimizde aiyppul tóleýge májbúr. Sebebi 20 jyldan asqan avtokólik ekologiialyq standarttarǵa sai kelmeidi. Birinshiden, bizdiń avtoparkterdiń eskirip, tozyp ketkenine halyq kináli emes, úkimettiń ózi kináli. Sebebi sońǵy on jyldyń ishinde ýtilalym, basqa da nárselerge óte joǵary kólemdegi tólemder bar, sonyń bári avtokólik tapshylyǵyna, onyń qymbattaýyna alyp keldi de halyqtyń qaltasy ony kótere almai qaldy", - deidi Sanjar Boqaev.
Sanjar Boqaev bul úlken ádiletsizdik ekenin aitady.
"Bilik oligopoliiamen kúresemiz, elden urlanǵan aqshanyń bárin qaitaramyz dep qanshama aityp keledi. Biraq áli halyqtyń qaltasyna qol suǵa berýdi toqtatpady. Meniń usynysym - ekologiiany shynymen oilasańyzdar avtoparkti jańartý kerek. Ol úshin ýtilalym, keden jáne basqa da tólemderdái azaitýymyz kerek. Halyqqa aiyppul sala bermei, kishkene bolsa da jaǵdaiyn jasap berýdi úkimet qashan oilaidy eken?", - deidi ol.
Dalanews.kz tilshisi bul aqparattyń ras-ótirigin anyqtaý maqsatynda tiisti organdarǵa suraý saldy.
