دەپۋتات نۇرلان اۋەسبايەۆ قازاقستان ايماقتارىنان حالىقتىڭ كوشىپ كەتۋى ماسەلەسىنە الاڭداۋشىلىق ءبىلدىردى، دەپ حابارلايدى Dalanews.kz.
ونىڭ سوزىنشە، بيىلعى جىلدىڭ العاشقى جارتىسىندا رەسپۋبليكالىق ماڭىزى بار قالالاردان تىس وڭىرلەردە كوشى-قون سالدارىنان حالىق سانى ازايعان. ءىرى قالالارعا كوشىپ كەلۋشىلەردىڭ سانى شامامەن ەكى ەسەگە ارتقان.
“اسىرەسە، سولتۇستىك قازاقستان، اباي جانە جەتىسۋ وبلىستارىندا تۇرعىندار سانىنىڭ كەمۋى نازار اۋدارارلىق. دەپۋتاتتىڭ ايتۋىنشا، سوڭعى 20 جىلدا سولتۇستىك قازاقستان وبلىسىنىڭ حالقى بىردە-بىر رەت وسپەگەن”، - دەيدى ول.
اۋەسبايەۆ قازاقستاندىقتاردىڭ مەگاپوليستەرگە جاقسى ءومىر ىزدەپ كوشىپ بارعانىمەن، جۇمىسسىزدىق ماسەلەسىنە تاپ بولاتىنىن ايتادى. ول الماتى، استانا جانە شىمكەنت قالالارىنىڭ اۋماعىن كەڭەيتۋدىڭ مۇمكىن ەكەنىن، ءبىراق ءار قالانىڭ ءوز سىيىمدىلىعى بارىن اتاپ ءوتتى.
“عالىمداردىڭ ەسەپتەۋلەرى بويىنشا، شىمكەنتتىڭ دەموگرافيالىق سىيىمدىلىعى 600 مىڭ، الماتىنىڭ 1،2 ميلليون، ال استانانىڭ شامامەن 1 ميلليوننان ءسال اسادى”، - دەدى ول.
ەسكە سالايىق، بۇعان دەيىن ەلىمىزدە 12 مىڭنان اسا قازاقستاندىق ۇلتىن اۋىستىرعانى تۋرالى ايتقان ەدىك.
ىشكى ىستەر مينيسترلىگىنىڭ مالىمەتىنشە، ەلىمىزدە 743 ورىس ۇلتىن نەمىس دەپ وزگەرتكەن. 354 وزبەك - قازاق بولىپ وزگەرگەن، 300 ورىس ۋكرايندىق دەپ، ال 246 ۋكرايندىق ورىس دەپ وزگەرتسە، 11 ورىس - قازاق بولىپ وزگەرگەن.
Paryz.kz دەرەگىنشە، جىلدار بويىنشا:
2021 جىلى 3254 قازاقستاندىق؛
2022 جىلى 3363 قازاقستاندىق؛
2023 جىلى 3366 قازاقستاندىق،
2024 جىلى 2158 قازاقستاندىق ۇلتىن وزگەرتكەن.
قازاقستان رەسپۋبليكاسى كونستيتۋسياسىنىڭ19-بابىنىڭ 1-تارماعىنا سايكەس اركىمنىڭءوزىنىڭ ۇلتتىق، پارتيالىق جانە ءدىني تيەسىلىگىنايقىنداۋعا جانە كورسەتۋگە نەمەسەكورسەتپەۋگە قۇقىعى بار. بۇل نورما ادامنىڭءوزىنىڭ ۇلتتىق ەرەكشەلىگىن انىقتاۋ قۇقىعىنبەكىتەدى.
