Depýtat Nurlan Áýesbaev Qazaqstan aimaqtarynan halyqtyń kóship ketýi máselesine alańdaýshylyq bildirdi, dep habarlaidy Dalanews.kz.
Onyń sózinshe, biylǵy jyldyń alǵashqy jartysynda respýblikalyq mańyzy bar qalalardan tys óńirlerde kóshi-qon saldarynan halyq sany azaiǵan. Iri qalalarǵa kóship kelýshilerdiń sany shamamen eki esege artqan.
“Ásirese, Soltústik Qazaqstan, Abai jáne Jetisý oblystarynda turǵyndar sanynyń kemýi nazar aýdararlyq. Depýtattyń aitýynsha, sońǵy 20 jylda Soltústik Qazaqstan oblysynyń halqy birde-bir ret óspegen”, - deidi ol.
Áýesbaev qazaqstandyqtardyń megapolisterge jaqsy ómir izdep kóship barǵanymen, jumyssyzdyq máselesine tap bolatynyn aitady. Ol Almaty, Astana jáne Shymkent qalalarynyń aýmaǵyn keńeitýdiń múmkin ekenin, biraq ár qalanyń óz syiymdylyǵy baryn atap ótti.
“Ǵalymdardyń esepteýleri boiynsha, Shymkenttiń demografiialyq syiymdylyǵy 600 myń, Almatynyń 1,2 million, al Astananyń shamamen 1 millionnan sál asady”, - dedi ol.
Eske salaiyq, buǵan deiin elimizde 12 myńnan asa qazaqstandyq ultyn aýystyrǵany týraly aitqan edik.
Ishki ister ministrliginiń málimetinshe, elimizde 743 orys ultyn nemis dep ózgertken. 354 ózbek - qazaq bolyp ózgergen, 300 orys ýkraindyq dep, al 246 ýkraindyq orys dep ózgertse, 11 orys - qazaq bolyp ózgergen.
Paryz.kz dereginshe, jyldar boiynsha:
2021 jyly 3254 qazaqstandyq;
2022 jyly 3363 qazaqstandyq;
2023 jyly 3366 qazaqstandyq,
2024 jyly 2158 qazaqstandyq ultyn ózgertken.
Qazaqstan Respýblikasy Konstitýtsiiasynyń19-babynyń 1-tarmaǵyna sáikes árkimnińóziniń ulttyq, partiialyq jáne dini tiesiliginaiqyndaýǵa jáne kórsetýge nemesekórsetpeýge quqyǵy bar. Bul norma adamnyńóziniń ulttyq ereksheligin anyqtaý quqyǵynbekitedi.
