تالعات قاتاۋوۆ تۇرسىنعالي ۇلى ق ر ءبىلىم سالاسى قىزمەتكەرلەرىنىڭ بقو بويىنشا تاۋەلسىز كاسىپوداق ۇيىمىنىڭ ءتوراعاسى[/caption]
انتىنا ادال، جوعارى بىلىكتى نەيروحيرۋرگ-دارىگەر ترايسوۆ بەكەجان قالاس ۇلى
ورالداعى وبلىستىق كوپبەيىندى اۋرۋحاناسىنىڭ نەيروحيرۋرگيا بولىمشەسىنىڭ بىلىكتى نەيروحيرۋرگى ترايسوۆ بەكەجان قالاس ۇلىنىڭ جاس تا بولسا دەنساۋلىق ساقتاۋ ىسىندە قول جەتكىزگەن تابىستارى ۇشان-تەڭىز. وعان نەيروحيرۋرگيا بولىمشەسىنە اۋىر حالدە تۇسكەن ادامدارعا اراشا بولىپ، كۇندەلىكتى جاساپ جاتقان كۇردەلى وتالارى دالەل.
گيپپوكرات انتىنا ادال، بىلىكتىلىگىن شەتەلدەردە جەتىلدىرىپ كەلگەن بەكەجان قالاس ۇلى جاڭا تەحنولوگيانى يگەرۋى ارقاسىندا كوپتەگەن ادامداردىڭ ومىرىنە اراشا بولىپ، وتە كۇردەلى وپەراسيا جاساپ، ون مىڭداعان حالىقتىڭ العىسىن ارقالاپ كەلەدى. حالىقتىڭ داۋىس بەرۋى ارقىلى وتەتىن بايقاۋلاردا «ادام ومىرىنە اراشا بولىپ، ءساتتى وتا جاساعانى ءۇشىن» اتالىمىنا بەكەجان ترايسوۆ بىرنەشە رەت يە بولعان-دى.
ب.ترايسوۆ تۇنگى كەزەكشىلىكپەن قاتار كەلگەن شۇعىل وپەراسيالارعا قاتىسىپ، ەرتەسىندە ادەتتەگى جۇمىسىن جوعارى كوڭىلمەن جالعاستىراتىنىنا تالاي كۋا بولدىق. شارشاپ تۇرعانىن سەزدىرمەستەن، كۇلىمسىرەپ ناۋقاستاردىڭ جاعدايىن سۇراپ، ءوز كاسىبىنە دەگەن جاۋاپكەرشىلىگىن، انتىنا دەگەن ادالدىعىن ىسىمەن دالەلدەپ كەلەدى. العىس ارقالاعان ابزال جان بەكەجان قالاس ۇلى ادامداردىڭ بارىنە كومەك قولىن سوزىپ، جانىن قويارعا جەر تاپتىرماي ازاپتاعان اۋرۋىنان ايىقتىرىپ، اق حالاتتى پەرىشتەدەي كوز الدىندا كولبەڭدەي ءجۇرىپ، جانىنا داۋا، تانىنە شيپا بولارداي ەم بەرىپ، ءسوزىنىڭ تاتتىسىمەن، كوزىنىڭ جاقسىسىمەن ناۋقاستىڭ كوڭىلىن كوتەرىپ، ومىرگە دەگەن قۇلشىنىسىن ارتتىرىپ، ەرتەلى-كەش ەرىنبەي، ەل ءۇشىن ەڭبەك ەتىپ، حالىقتىڭ العىس-ساۋابىن ارقالاعان اق حالاتتى ابزال جان.
ساربازدى اجالدان اراشالاپ قالعان
2012 جىلى ورال قالاسىنداعى اسكەري بولىمدە ءوزىنىڭ باسىنان ءوزى اۆتومات قارۋىنان اتقان ساربازدى وبلىستىق كلينيكالىق اۋرۋحاناعا وتە اۋىر جاعدايدا جەتكىزەدى. سول كۇنى كەزەكشىلىكتە بولعان ب.ترايسوۆ ساربازعا شۇعىل تۇردە وتە كۇردەلى وتانى بىرنەشە ساعات جاساپ، جوعارى كاسىبي شەبەرلىگى ارقاسىندا مۇمكىن ەمەس جاعدايدى، مۇمكىن ەتە وتىرىپ، ساربازدى اجالدان الىپ قالادى. ءبىراق بەكەجان ەشقاشان مۇنى ەرلىك دەپ سەزىنبەيدى. ادامداردىڭ دەنساۋلىعى مەن جەكە ءومىرى ءۇشىن كۇرەسۋ، كۇندەلىكتى جۇمىسى جانە انت الدىنداعى كاسىبي ءتول مىندەتى دەپ ەسەپتەيدى.
مويىن ومىرتقامنىڭ سىنعانىن العاش بەكەجان ايتقان-دى
تارازدا ءىسساپاردا جۇرگەندە جول اپاتىنا ءتۇسىپ، 25 كۇن بويى تاراز قالالىق 2-ەمحاناسىنىڭ نەيروحيرۋرگيا بولىمشەسىندە جاتقانىمدا نەيروحيرۋرگ دارىگەرلەرى ەشقانداي سىنىق جوق دەگەن بولاتىن. تاراز دارىگەرلەرىنىڭ سوزدەرىنە سەنىپ 3 اي بويى مويىن ومىرتقامنىڭ سىنىعىمەن قينالىپ ءجۇردىم. قاتتى اۋىرىپ، ابدەن قينالعاسىن ورالعا كەلگەن بويدا نەيروحيرۋرگ ب.ق. ترايسوۆقا قارالدىم. دارىگەر مرت، كتا كورسەتكىشىنە قاراپ، مويىن ومىرتقامنىڭ سىنعانىن جانە شۇعىل وپەراسيا جاساۋ قاجەتتىگى تۋرالى دارىگەرلىك كەڭەس بەرىپ ەدى. كەيىن استاناداعى ۇلتتىق نەيروحيرۋرگيا ورتالىعىنىڭ نەيروحيرۋرگ-دارىگەرلەرى مەن پروفەسسورلارى ب.ترايسوۆتىڭ قويعان دياگنوزىن ناقتىلادى.
بەكەجانعا العىس بىلدىرەمىز!
وتادان كەيىن دەنساۋلىعىمدى تىكەلەي قاداعالاۋى ارقاسىندا اللاعا شۇكىر، دەنساۋلىعىم قالىپقا كەلدى. انتىنا بەرىك نەيروحيرۋرگ ب.ق.ترايسوۆقا وتباسىمنىڭ، تۋمالارىم مەن دوستارىمنىڭ جانە جاناشىر ادامدار اتىنان راقمەت ايتىپ، العىسىمدى بىلدىرەمىن!
