بۇل تۋرالى nur.kz سايتى حابارلاپ وتىر.
رينات اۆازباكيەۆ ەسٸمدٸ وقيعا كۋەگەرٸ حابارلاسىپ بولعان جايتتى بايانداعان. ونىڭ ايتۋىنشا, قازا بولعان ەر ادامنىڭ جاسى 60-65 شاماسىندا. سونىمەن بٸرگە ول شاعىمىن دا جەتكٸزدٸ.
"كەزەكتە 100-گە جۋىق ادام تۇرادى. ەر ادامعا 20 مينۋت ۋاقىت كەتەدٸ دەگەن ۋەدە ورىندالماعان. تٸركەۋمەن تەك ەكٸ ادام اينالىسىپ وتىر. بٸرەۋلەر تٸپتٸ سەنبٸدەن بەرٸ تٸركەلە الماي ەلەككە تٷسٸپ جٷر. سوعان قاراماستان, سونداعى "زاڭ ٶكٸلدەرٸ" ايىپپۇل سالامىز دەپ قورقىتىپ جٷرگەن كٶرٸنەدٸ", - دەيدٸ ەر ادام.
الماتى وبلىسىنىڭ ٸٸد 1957 جىلى تۋعان ٸلە اۋدانىنىڭ تۇرعىنى قايتىس بولعانىن راستادى. قازٸرگٸ ۋاقىتتا قۇزىرلى ورگاندار ەر ادامنىڭ ٶلٸمٸنە قاتىستى تەكسەرٸس جٷرگٸزٸپ جاتىر. تولىق اقپارات كەيٸنٸرەك بەرٸلەدٸ.
وسى ورايدا الماتى وبلىستىق ٸٸد اۋداندىق پوليتسييا بٶلٸمشەسٸ جاڭا زاڭنامانى تٷسٸندٸرۋ جۇمىستارى بويىنشا باق ٶكٸلدەرٸمەن كەزدەسٸپ, ۋاقىتشا تٸركەۋگە قاتىستى حقكو-تارىندا كەلەڭسٸز جاعدايلار تۋىنداماعانىن ايتقان.
ەستەرٸڭٸزگە سالا كەتسەك, ۋاقىتشا تٸركەۋدٸ ەلٸمٸزدە 7 قاڭتاردان باستاپ ەنگٸزدٸ. ال تٸركەلمەگەن ازاماتتارعا 2017 جىلدىڭ 1 اقپانىنان باستاپ ايىپپۇل سالىنا باستايدى.
ۋاقىتشا تٸركەۋگە تۇرعىلىقتى جەرٸ بويىنشا تٸركەلمەگەن ادامدار تۇرۋى قاجەت. ٸشكٸ ميگراتسييانى باقىلاۋدى ۋچاسكەلٸك پوليتسيياعا جٷكتەپ وتىر. زاڭ بۇزۋشىلاردى ولار بۇرىننان كەلە جاتقان ٷيرەنشٸكتٸ ەدٸس-تەسٸلدەرمەن انىقتايدى.
Бас тақырыптағы nur.kz сайтынан алынды
