Bul týraly nur.kz saity habarlap otyr.
Rinat Avazbakiev esimdi oqiǵa kýágeri habarlasyp bolǵan jaitty baiandaǵan. Onyń aitýynsha, qaza bolǵan er adamnyń jasy 60-65 shamasynda. Sonymen birge ol shaǵymyn da jetkizdi.
"Kezekte 100-ge jýyq adam turady. Ár adamǵa 20 minýt ýaqyt ketedi degen ýáde oryndalmaǵan. Tirkeýmen tek eki adam ainalysyp otyr. Bireýler tipti senbiden beri tirkele almai álekke túsip júr. Soǵan qaramastan, sondaǵy "zań ókilderi" aiyppul salamyz dep qorqytyp júrgen kórinedi", - deidi er adam.
Almaty oblysynyń IID 1957 jyly týǵan Ile aýdanynyń turǵyny qaitys bolǵanyn rastady. Qazirgi ýaqytta quzyrly organdar er adamnyń ólimine qatysty tekseris júrgizip jatyr. Tolyq aqparat keiinirek beriledi.
Osy oraida Almaty oblystyq IID aýdandyq politsiia bólimshesi jańa zańnamany túsindirý jumystary boiynsha BAQ ókilderimen kezdesip, ýaqytsha tirkeýge qatysty HQKO-tarynda keleńsiz jaǵdailar týyndamaǵanyn aitqan.
Esterińizge sala ketsek, ýaqytsha tirkeýdi elimizde 7 qańtardan bastap engizdi. Al tirkelmegen azamattarǵa 2017 jyldyń 1 aqpanynan bastap aiyppul salyna bastaidy.
Ýaqytsha tirkeýge turǵylyqty jeri boiynsha tirkelmegen adamdar turýy qajet. Ishki migratsiiany baqylaýdy ýchaskelik politsiiaǵa júktep otyr. Zań buzýshylardy olar burynnan kele jatqan úirenshikti ádis-tásildermen anyqtaidy.
Бас тақырыптағы nur.kz сайтынан алынды
