Armeniia parlamentiniń otyrysy bilik pen oppozitsiia ókilderi arasyndaǵy janjaldan keiin ýaqytsha toqtatyldy. Depýtattar arasyndaǵy sóz talasy tóbeleske ulasqan, dep habarlaidy dalanews.kz.
Oqiǵa oppozitsiialyq «Kúshti Armeniia» fraktsiiasynyń depýtaty Edgar Kazariannyń sózinen keiin bastalǵan.
Ol parlament minberinen bileýshi «Azamattyq kelisim» partiiasynyń depýtattaryn alǵan syiaqylaryn jumsamaýǵa shaqyryp, bul qarajat memleket biýdjetine qaitarylýy kerek ekenin aitqan.
«Rýbinian memlekettik qarajatty ysyrap etti. Men sizderdi bul 250 myńdy, syiaqyny jumsamaýǵa shaqyramyn. Biz bul aqshany sońǵy tiynyna deiin qaitaramyz», – dedi Kazarian.
Osydan keiin Rýben Rýbinian oppozitsiialyq depýtattan kún tártibindegi máseleler boiynsha sóileýdi talap etip, onyń mikrofonyn óshirgen.
Kazarian ornyna oralǵan soń bilik pen oppozitsiia depýtattary arasynda sóz talasy bastalyp, artynsha iteris pen tóbeleske ulasqan.
Janjal kúsheigennen keiin Rýbinian úzilis jariialap, parlament ǵimaratyna qaýipsizdik qyzmetkerlerin shaqyrǵan. Olar depýtattardy zaldan shyǵarǵanymen, janjal dálizde de jalǵasqan.
Oqiǵanyń videosy áleýmettik jelilerde tarap jatyr.
