«OZYURT» حالال كەسٸپورىنى 2016 جىلدىڭ اقپان ايىندا «حالال دامۋ» جشس-نىڭ سەرتيفيكاتىن العان بولاتىن. سودان بەرٸ دٸني باسقارمانىڭ باقىلاۋىندا جۇمىس جاساپ كەلەدٸ.
«جارتىلاي دايىن ٶنٸم شىعاراتىن «OZYURT» كەسٸپورىنىنا سەرتيفيكات بەرۋٸمٸزدٸڭ باستى سەبەبٸ, حالىق كٶپ جٷرەتٸن ورىنداردا تەز دايىندالاتىن تاعامداردىڭ شاريعات تالاپتارىنا ساي بولۋى ٶتتە ماڭىزدى. بۇل كەسٸپورىن «حالال دامۋ» جشس-نىڭ ستاندارتتارى بويىنشا سەرتيفيكاتتالدى. وسىنداي حالال ٶنٸمدەر شىعاراتىن ٶندٸرٸس وشاقتارى ەلٸمٸزدە كٶبەيسە دەگەن نيەتتەمٸز. ٶيتكەنٸ, ٶنٸمدەردٸڭ قاعازىندا حالال دەگەن تاڭبا تۇرسادا حالىق كٷمەنمەن قارايتىن بولدى. دٸني باسقارما وسى جاعدايدى بولدىرماس ٷشٸن قاتاڭ قاداعالاۋ, باقىلاۋ جۇمىستارىن جٷرگٸزٸپ كەلەدٸ», – دەدٸ «حالال دامۋ» جشس-نىڭ ديرەكتورى بەيبٸت مىرزاگەلديەۆ.
بٷگٸنگٸ قازاقستان قوعامىندا حالال-ٶنٸمدەر مەن حالال-قىزمەتتەرگە قىزىعۋشىلىق ٶسٸپ, سۇرانىس ارتىپ كەلەدٸ. كەسٸپورىن قىزمەتكەرٸ ەربول يماناليۆ حالال سەرتيفيكاتىن الۋداعى باستى ماقسات تۇتىنۋشىلارعا تازا ٶنٸم ۇسىنۋ ەكەنٸن ايتادى.
سونداي-اق, شارا بارىسىندا حالال بويىنشا اقتٶبە وبلىسىنىڭ ٶكٸلٸ جاندوس سايلانوۆ ٶندٸرٸس وشاعىنىڭ جۇمىسىمەن تانىسىپ, تەجٸريبەدەن ٶتتٸ. باستى ماقسات يمامداردىڭ حالال مەسەلەسٸنە قاتىستى العان بٸلٸمدەرٸن تەجٸريبە جٷزٸندە ناقتىلاپ, كەسٸپتٸك باعدار بەرۋ. سونىمەن بٸرگە, بۇل يگٸ شارا ٶكٸلدەردٸڭ قمدب-نىڭ حالال سەرتيفيكاتىن العان كەسٸپورىنداردى باقىلاپ, زەرتتەپ-زەردەلەۋٸنە مٷمكٸندٸك بەرەدٸ.
ايتا كەتسەك, بٷگٸندە 50 كەسٸپورىن «حالال دامۋ» جشس-نىڭ سەرتيفيكاتىن الىپ, «حالال» ستاندارتى بويىنشا ٶنٸم ٶندٸرٸپ, حالىققا قىزمەت ەتٸپ كەلەدٸ.
