قاراجات زاۋىتتى جاڭعىرتۋ جونىندەگى جوبانى ىسكە اسىرۋعا «قىتايدىڭ ەكسپورتتىق-يمپورتتىق بانكىنەن» الىنعان ۆاليۋتالىق قارىزدى قايتا قارجىلاندىرۋعا باعىتتالاتىن بولادى.
ءوز كەزىگندە ورتالىق ازياداعى وپەراسيالار جەتەكشىسى، ۆتب اعا ۆيسە-پرەزيدەنتى ايدار قالييەۆ بۇل جايىنداعى ويىن بىلايشا جەتكىزدى:
– اموز-مەن كرەديتتىك مامىلە ۆتب توبى مەن «قازمۇنايگاز» ۇك اراسىنداعى ارىپتەستىك قاتىناستاردى تەرەڭدەتۋ جونىندەگى ماڭىزدى قادام بولىپ تابىلادى، ولاردىڭ ودان ءارى دامۋى ءۇشىن نەگىز قالايدى جانە توپ كومپانيالارىنا رۋبلدىك قارىز الۋدىڭ پەرسپەكتيۆالى جانە اۋقىمدى نارىعىنا جول اشادى. قازاقستاننىڭ مۇناي-گاز سەكتورىنداعى ۆتب ءۇشىن ەڭ ءىرى بولىپ تابىلاتىن وسى مامىلەنى ىسكە اسىرۋ بانكتىڭ قازاقستاندىق كومپانيالار ءۇشىن يننوۆاسيالىق قارجىلىق شەشىمدەر ۇسىنۋ بويىنشا كوشباسشىلىق ۇستانىمدارى مەن كەڭ مۇمكىندىكتەرىن راستايدى، – دەدى ايدار قالييەۆ.
«قازمۇنايگاز» ۇك اق باسقارما ءتوراعاسىنىڭ ەكونوميكا جانە قارجى جونىندەگى ورىنباسارى داۋرەن قارابايەۆ:
– مامىلە پاندەميا كەزىندە جۇرگىزىلدى جانە سىرتقى قيىندىقتارعا قاراماستان ۋاقتىلى جانە ءساتتى جابىلدى. ۆتب-مەن جاسالعان كەلىسىم بىزگە قمگ توبىنىڭ كرەديتتىك پورتفەلىن وڭتايلاندىرۋعا جانە ءارتاراپتاندىرۋعا جانە جالپى ۆاليۋتالىق تاۋەكەلدەردى تومەندەتۋگە مۇمكىندىك بەردى، – دەپ ويىن ورتاعا سالدى.
