باعدارلاماعا قاتىسۋشىلاردى اتتەستاتتاۋ كوميسسياسىنىڭ قۇرامىنا «استانا ينۆەست» مەملەكەتتىك رەسۋرستاردى دامىتۋ ورتالىعى» ج ش س، استانا قالاسى بويىنشا «اتامەكەن» رەسپۋبليكالىق كاسىپورنى، «Kazakh Tourism» ۇلتتىق كومپانياسى» اق، ويۋل قازاقستاندىق قوناق ۇيلەر مەن مەيرامحانالار قاۋىمداستىعى قىزمەتكەرلەرى كىردى.
ماراپاتتاۋ راسىمىندە «استانا ينۆەست» مردو» ج ش س باسقارما ءتوراعاسىنىڭ ورىنباسارى جالعاس مولجىگىت ءسوز سويلەپ، جيىننىڭ ءمان-ماڭىزىنا توقتالدى. ونىڭ پايىمىنشا، قازىرگى تاڭدا الەم ەلدەرىندە تۋريستەردى قابىلدايتىن نىساندار مەن كورىكتى ورىنداردى قىزمەت كورسەتۋ ستاندارتتارى جاعىنان سالىستىرۋ ىلگەرىلەۋگە ىقپال ەتەتىنىن ءتۇسىنۋ قاجەت. مۇندا كورسەتىلەتىن قىزمەتتىڭ ساپاسىنا جاتاتىن، تاماقتاناتىن ورىندار جانە كەز كەلگەن قىزمەت ءتۇرىن تاڭداۋداعى فاكتورلار كىرۋى مۇمكىن.
«قىزمەت كورسەتۋ سەكتورىنىڭ سەرتيفيكاتتارى حالىقارالىق تاجىريبەگە نەگىزدەلگەن. مىسالى، يسپانيادا – La Marca Q، شۆەيساريادا – ساپانى راستاۋ ءمورى، قىتايدا – 5ا جۇيەسى، جاڭا زەلانديادا – Qual Mark. ال ءبىز ءوز باعدارلامامىزدا وسىنداي الدىڭعى قاتارلى ەلدەردىڭ تاجىريبەلەرىن بىرىكتىرىپ، قازاقستاندىق نارىققا بەيىمدەۋگە تىرىستىق. Visit Astana ۇسىنىلاتىن قىزمەتتەردىڭ ساپاسىن ارتتىرۋ جانە سونىڭ ناتيجەسىندە ەلوردانىڭ تۋريستىك اعىنىن ارتتىرۋ ماقساتىندا قالا ءتۋريزمىنىڭ بارلىق سۋبەكتىلەرىن بىرىكتىرەتىن قازاقستانداعى العاشقى باعدارلاما بولدى. ءبىر جارىم جىل ىشىندە كوميسسيا مۇشەلەرى الەۋەتتى سەرىكتەستەردىڭ وتىنىشتەرىن قابىلداپ، تەكسەرۋلەر جۇرگىزىپ، قىزمەت كورسەتۋ ساپاسىنىڭ دەڭگەيىن باعالاپ، ساراپتامالىق قورىتىندىلارىن بەردى»، - دەدى جالعاس بەرىك ۇلى.
ونىڭ سوزىنە قاراعاندا، ءبىر جارىم جىل ىشىندە كوپ جۇمىس اتقارىلعان. نەگىزگى سالالىق مۇددەلى تاراپتارمەن ىنتىماقتاستىق ورنادى؛ Visit Astana «Kazakh Tourism» ۇلتتىق كومپانياسى ازىرلەگەن ساپا بەلگىسى باعدارلاماسى سەكىلدى تانىلدى. قالالىق سەرىكتەستىك باعدارلاماسىنىڭ بارلىق قاتىسۋشىلارى بۇل توسبەلگىنى اۆتوماتتى تۇردە الادى، بۇل رەسپۋبليكالىق دەڭگەيدە كورسەتىلەتىن قىزمەتتەردىڭ جوعارى ستاندارتتارى مەن ساپاسىن، سونداي-اق ەكى باعدارلامانىڭ بارلىق تالاپتارىنا سايكەستىگىن راستايدى.
«بۇل جولى Visit Astana قوناقۇيلەر، مەيرامحانالار، كافەلەر، تۋروپەراتورلار قاتارىنان 30 كومپانيانى تاڭداپ الدى. ولار حالىقارالىق قوناقتار مەن تۋريستەردى جوعارى دەڭگەيدە قارسى الۋعا دايىن. ءبىز وسى باستامامىزعا قىزىعۋشىلىق تانىتىپ، بەلسەندى قاتىسقان جانە قولداۋ كورسەتكەن بارشا ارىپتەستەرىمىزگە راحمەت ايتامىز. وسىنداي جاۋاپتى، بەلسەندى، شىعارماشىل ماماندارىمىزدىڭ كەلگەن تۋريستەرمەن جۇمىس ىستەپ، ەلىمىزدى ءوز دەڭگەيىندە تانىتىپ جاتقانى قۋانتادى»، - دەدى «استانا ينۆەست» مردو» ج ش س باسقارما ءتوراعاسىنىڭ ورىنباسارى.
ول 2023 جىلى تۋريزم سالاسىنىڭ 40 نىسانىن اتتەستاتتاۋ جوسپارلانىپ وتىرعانىن ءمالىم ەتتى. سونىمەن قاتار، باعدارلاما Visit Astana Discover، Visit Astana Education، Visit Astana Transport ساناتتارى بويىنشا الەۋەتتى قاتىسۋشىلاردى سەرتيفيكاتتاۋ تالاپتارىن قامتيدى.
«كەلەسى جىلى ءبىز تۋريستىك كورىكتى ورىندار مەن كولىك كومپانيالارىن قامتۋ ءۇشىن دە باعدارلامانى كەڭەيتپەكپىز. سوندىقتان ارىپتەستەرىمىز تاراپىنان ودان ءارى جەمىستى ىنتىماقتاستىقتى كۇتەمىز»، - دەدى جالعاس مولجىگىت.
ايتا كەتەيىك، سالتاناتتى راسىمدە قىزمەت كورسەتۋ دەڭگەيىن باعالاۋ ناتيجەلەرى بويىنشا تۋريزم سەكتورىنىڭ وتىز كاسىپورنى اراسىندا «Visit Astana» Comfort Excellent ساناتى Radisson Hotel Astana، Astana Marriott Hotel، Rixos President Astana، Hilton Astana، Sheraton Astana Hotel، The Ritz-Carlton، Astana، The St. Regis Astana قوناق ۇيلەرىنە بەرىلدى.
«Visit Astana» تاماشا ءدام اتالىمى بويىنشا «Monocle» كافەسى، DAMI كافەلەر جەلىسى جانە Eleven Gastrodom مەيرامحاناسى ماراپاتتالدى.
«Visit Astana» Comfort Plus توسبەلگىسى Ramada by Wyndham Astana، Park Inn by Radisson Astana، Hilton Garden Inn Astana، Alanda، Wyndham Garden Astana، Goldman Empire، BalQaragai Family Forest Resort جانە Comfort Hotel Astana قوناق ۇيلەرىنە بەرىلدى.
«Visit Astana» Taste Plus كاتەگورياسىنا Legends Pub پەن Myata Edition لاۋنج-بارى لايىق دەپ تانىلدى.
«ايكۋن»، Ibis Astana، Grace Point، Hampton by Hilton Astana Triumphal Arch، YE'S Astana Aparthotel جانە Diplomat قوناق ۇيلەرى جيناعان ۇپايلارى بويىنشا «Visit Astana» Comfort ساناتىنىڭ سەرتيفيكاتىنا يە بولدى.
سونىمەن قاتار، «مۋمتاز» مەيرامحاناسى، «Nurorda Food» اسحاناسى جانە «CULTÜRA Bar & Kitchen» ءدامحاناسى «Visit Astana» Taste ساناتىنىڭ سەرتيفيكاتىن قانجىعالادى.
باعدارلاماعا قوسىلىپ، Visit Astana Support سايكەستىك بەلگىسىن العان ءبىرىنشى جانە ازىرگە جالعىز تۋروپەراتور – استانالىق Empire Travel Qazaqstan.
شارا سوڭىندا ەرجان بالتايەۆ بارلىعىنا ساپالى جۇمىسى ءۇشىن العىس ايتىپ، قازاقستان استاناسىنىڭ يميدجىنە وڭ اسەر ەتەتىن ۇزاق مەرزىمدى جانە جەمىستى ىنتىماقتاستىققا سەنىم ءبىلدىردى.
https://dalanews.kz/saraptama/84231-dozhdtyng-dauy-gazdy-qaru-qylgan-puti
