Baǵdarlamaǵa qatysýshylardy attestattaý komissiiasynyń quramyna «Astana Invest» memlekettik resýrstardy damytý ortalyǵy» JShS, Astana qalasy boiynsha «Atameken» respýblikalyq kásiporny, «Kazakh Tourism» ulttyq kompaniiasy» AQ, OIýL qazaqstandyq qonaq úiler men meiramhanalar qaýymdastyǵy qyzmetkerleri kirdi.
Marapattaý rásiminde «Astana Invest» MRDO» JShS basqarma tóraǵasynyń orynbasary Jalǵas Moljigit sóz sóilep, jiynnyń mán-mańyzyna toqtaldy. Onyń paiymynsha, qazirgi tańda álem elderinde týristerdi qabyldaityn nysandar men kórikti oryndardy qyzmet kórsetý standarttary jaǵynan salystyrý ilgerileýge yqpal etetinin túsiný qajet. Munda kórsetiletin qyzmettiń sapasyna jatatyn, tamaqtanatyn oryndar jáne kez kelgen qyzmet túrin tańdaýdaǵy faktorlar kirýi múmkin.
«Qyzmet kórsetý sektorynyń sertifikattary halyqaralyq tájiribege negizdelgen. Mysaly, Ispaniiada – La Marca Q, Shveitsariiada – Sapany rastaý móri, Qytaida – 5A júiesi, Jańa Zelandiiada – Qual Mark. Al biz óz baǵdarlamamyzda osyndai aldyńǵy qatarly elderdiń tájiribelerin biriktirip, qazaqstandyq naryqqa beiimdeýge tyrystyq. Visit Astana usynylatyn qyzmetterdiń sapasyn arttyrý jáne sonyń nátijesinde elordanyń týristik aǵynyn arttyrý maqsatynda qala týrizminiń barlyq sýbektilerin biriktiretin Qazaqstandaǵy alǵashqy baǵdarlama boldy. Bir jarym jyl ishinde komissiia músheleri áleýetti seriktesterdiń ótinishterin qabyldap, tekserýler júrgizip, qyzmet kórsetý sapasynyń deńgeiin baǵalap, saraptamalyq qorytyndylaryn berdi», - dedi Jalǵas Berikuly.
Onyń sózine qaraǵanda, bir jarym jyl ishinde kóp jumys atqarylǵan. Negizgi salalyq múddeli taraptarmen yntymaqtastyq ornady; Visit Astana «Kazakh Tourism» ulttyq kompaniiasy ázirlegen Sapa belgisi baǵdarlamasy sekildi tanyldy. Qalalyq seriktestik baǵdarlamasynyń barlyq qatysýshylary bul tósbelgini avtomatty túrde alady, bul respýblikalyq deńgeide kórsetiletin qyzmetterdiń joǵary standarttary men sapasyn, sondai-aq eki baǵdarlamanyń barlyq talaptaryna sáikestigin rastaidy.
«Bul joly Visit Astana qonaqúiler, meiramhanalar, kafeler, týroperatorlar qatarynan 30 kompaniiany tańdap aldy. Olar halyqaralyq qonaqtar men týristerdi joǵary deńgeide qarsy alýǵa daiyn. Biz osy bastamamyzǵa qyzyǵýshylyq tanytyp, belsendi qatysqan jáne qoldaý kórsetken barsha áriptesterimizge rahmet aitamyz. Osyndai jaýapty, belsendi, shyǵarmashyl mamandarymyzdyń kelgen týristermen jumys istep, elimizdi óz deńgeiinde tanytyp jatqany qýantady», - dedi «Astana Invest» MRDO» JShS basqarma tóraǵasynyń orynbasary.
Ol 2023 jyly týrizm salasynyń 40 nysanyn attestattaý josparlanyp otyrǵanyn málim etti. Sonymen qatar, baǵdarlama Visit Astana Discover, Visit Astana Education, Visit Astana Transport sanattary boiynsha áleýetti qatysýshylardy sertifikattaý talaptaryn qamtidy.
«Kelesi jyly biz týristik kórikti oryndar men kólik kompaniialaryn qamtý úshin de baǵdarlamany keńeitpekpiz. Sondyqtan áriptesterimiz tarapynan odan ári jemisti yntymaqtastyqty kútemiz», - dedi Jalǵas Moljigit.
Aita keteiik, saltanatty rásimde qyzmet kórsetý deńgeiin baǵalaý nátijeleri boiynsha týrizm sektorynyń otyz kásiporny arasynda «Visit Astana» Comfort Excellent sanaty Radisson Hotel Astana, Astana Marriott Hotel, Rixos President Astana, Hilton Astana, Sheraton Astana Hotel, The Ritz-Carlton, Astana, The St. Regis Astana qonaq úilerine berildi.
«Visit Astana» tamasha dám atalymy boiynsha «Monocle» kafesi, DAMI kafeler jelisi jáne Eleven Gastrodom meiramhanasy marapattaldy.
«Visit Astana» Comfort Plus tósbelgisi Ramada by Wyndham Astana, Park Inn by Radisson Astana, Hilton Garden Inn Astana, Alanda, Wyndham Garden Astana, Goldman Empire, BalQaragai Family Forest Resort jáne Comfort Hotel Astana qonaq úilerine berildi.
«Visit Astana» Taste Plus kategoriiasyna Legends Pub pen Myata Edition laýnj-bary laiyq dep tanyldy.
«Aikýn», Ibis Astana, Grace Point, Hampton by Hilton Astana Triumphal Arch, YE'S Astana Aparthotel jáne Diplomat qonaq úileri jinaǵan upailary boiynsha «Visit Astana» Comfort sanatynyń sertifikatyna ie boldy.
Sonymen qatar, «Mýmtaz» meiramhanasy, «Nurorda Food» ashanasy jáne «CULTÜRA Bar & Kitchen» dámhanasy «Visit Astana» Taste sanatynyń sertifikatyn qanjyǵalady.
Baǵdarlamaǵa qosylyp, Visit Astana Support sáikestik belgisin alǵan birinshi jáne ázirge jalǵyz týroperator – astanalyq Empire Travel Qazaqstan.
Shara sońynda Erjan Baltaev barlyǵyna sapaly jumysy úshin alǵys aityp, Qazaqstan astanasynyń imidjine oń áser etetin uzaq merzimdi jáne jemisti yntymaqtastyqqa senim bildirdi.
https://dalanews.kz/saraptama/84231-dozhdtyng-dauy-gazdy-qaru-qylgan-puti
