ماۋسىم ايىندا ۆەنەسۋەلادا بولعان جويقىن جەر سٸلكٸنٸستەرٸنەن كەلگەن تٸكەلەي شىعىندى دٷنيەجٷزٸلٸك بانك 19,6 ملرد دوللار (17,2 ملرد ەۋرو) كٶلەمٸندە باعالادى, دەپ جازادى Euronews, دەپ حابارلايدى dalanews.kz.
بايانداماعا سەيكەس, جالپى شىعىننىڭ 47%-ى تۇرعىن ٷي قورىنا تيەسٸلٸ. ينفراقۇرىلىم نىساندارىنىڭ بٷلٸنۋٸ – 27%, ال تۇرعىن ەمەس عيماراتتاردىڭ ٷلەسٸ – 26%.
ەڭ كٶپ زارداپ شەككەن ايماقتار – لا-گۋايرا شتاتى مەن ەلوردالىق وكرۋگ. ەلدەگٸ بارلىق قيراۋدىڭ شامامەن جارتىسى وسى ٶڭٸرلەردە تٸركەلگەن.
ساراپشىلاردىڭ ايتۋىنشا, قالپىنا كەلتٸرۋ جۇمىستارىنىڭ قارقىنى ەل ەكونوميكاسىنا تٸكەلەي ەسەر ەتەدٸ. ەگەر قوسىمشا قارجىلاندىرۋ تارتىلماسا, قايتا قالپىنا كەلتٸرۋ جۇمىستارى 10 جىلدان استام ۋاقىتقا سوزىلۋى مٷمكٸن. بۇل جاعدايدا قارجىنىڭ ەدەۋٸر بٶلٸگٸن باسقا مەملەكەتتٸك جوبالاردان قايتا بٶلۋگە تۋرا كەلەدٸ.
دٷنيەجٷزٸلٸك بانكتٸڭ پٸكٸرٸنشە, قالپىنا كەلتٸرۋ جۇمىستارىن جەدەلدەتۋ جەنە مەملەكەتتٸك ەرٸ جەكە ينۆەستيتسييالاردى كٶبەيتۋ تابيعي اپاتتىڭ ەكونوميكالىق جەنە ەلەۋمەتتٸك سالدارىن جەڭٸلدەتۋگە مٷمكٸندٸك بەرەدٸ.
باياندامادا حالىقتىڭ وسال توپتارىنا دا ەرەكشە نازار اۋدارىلعان. ەڭ كٶپ زارداپ شەككەن جەتٸ شتاتتا شامامەن 11,5 ملن ادام تۇرادى, بۇل ۆەنەسۋەلا حالقىنىڭ 40%-ىنا جۋىق. سوندىقتان قالپىنا كەلتٸرۋ كەزەڭٸندە بۇل ٶڭٸرلەردٸ ەڭ الدىمەن ٷزدٸكسٸز اۋىزسۋ جەنە ەلەكتر ەنەرگيياسىمەن قامتاماسىز ەتۋ قاجەت ەكەنٸ ايتىلعان.
ەسكە سالايىق, 24 ماۋسىمدا ۆەنەسۋەلادا بٸرنەشە قۋاتتى جەر سٸلكٸنٸسٸ بولدى. سوڭعى مەلٸمەتتەرگە سەيكەس, قازا تاپقاندار سانى 5,3 مىڭ ادامنان استى.
