وقيعا بولعان قوسوزەن اۋىلىنىڭ تۇرعىندارى مەكتەپ اينالىسىنداعى جولدا وقۋشىلاردىڭ قاۋىپسىزدىگى مۇلدەم ساقتالماعانىن ايتادى. ولاردىڭ ايتۋلارىنشا، مۇندا جول ەرەجەسىنە قاتىستى قاۋىپسىزدىك بەلگىلەرى تۇگىلى، بالالار جۇرەتىن تروتۋار دا جوق.
جەرگىلىكتى اكىمدىك تەك قايعىلى جاعدايدان سوڭ قيمىلداپ جاتىر.
ساباقتان سوڭ الاڭسىز ۇيىنە قايتىپ كەلە جاتقان بالانى سول مەكتەپتە جۇمىس ىستەيتىن ءمۇعالىم قاعىپ كەتكەن.
"مەكتەپ ماڭىندا قاۋىپسىزدىك شارالارى ساقتالسا مۇنداي كۇيگە تۇسپەس ەدىك"، – دەيدى بالالارىنان ايىرىلعان اكە-شەشەسى.
وتباسىندا ءبىر قىزدان كەيىنگى ەراسىل ءۇيىنىڭ كەنجەسى ەكەن. سول كۇنى مەكتەپكە كەتكەن ۇلدى قايتار جولدا اپكەسى جەتەكتەپ كەلە جاتىپتى. قاس-قاعىم ساتتە جۇيتكىگەن كولىك تۇيرەپ وتكەن بالا اۋرۋحاناعا جەتپەي كوز جۇمعان.
“قۇلىنداي بوپ ەركەلەپ جۇرگەن بالا ەدى عوي. جەتى جاستاعى بالا، ەڭ ءتاتتى كەزى. ساباعىن دا بەسكە وقيتىن. بەس جاسىنان باستاپ ساباققا بارعان. مەن ۇلىمنىڭ اتىنان شاعىم ايتايىن دەپ تۇرعان جوقپىن. ءبىراق مەكتەپتى ايدالاعا سالىپ تاستاعان. مىنا جەردە جۇك كولىكتەرى اعىپ جۇرەدى. تروتۋار جاساپ بەرۋ كەرەك ەدى. ەكى جاعىندا قورشاۋىمەن جاساۋ كەرەك ەدى”، –دەيدى ەراسىلدىڭ اكەسى جاناحمەت التىبايەۆ.
قايعىلى وقيعا ورىن العان سوڭ جەرگىلىكتى تۇرعىندار بالالارىن مەكتەپكە جىبەرۋدەن قورقىپ قالعان.
“ەڭ بىرىنشىدەن، بالالاردىڭ قاۋىپسىزدىگىن ويلامايدى. بىزدە بالالار ەكى جاقتان كەلەدى. نە جولى جوق. قاراپايىم حالىققا بولۋى كەرەك نارسەنى ءبىز نەگە ارتتارىنان جۇگىرىپ سۇراۋىمىز كەرەك؟ ءبىز نەگە كۇندە قورقىنىشپەن ءومىر ءسۇرۋىمىز كەرەك؟! بالامىز ۇيگە ءتىرى كەلە مە، كەلمەي مە دەپ، قاشانعى ۇرەيمەن وتىرامىز؟” – دەيدى جىبەك سىزدىقوۆا.
“مىنا جاقتا 4-5 كارەر بار دەپ ەستيمىز. "كاماز" دەگەندەر كۇندىز-تۇنى ءبىزدىڭ جولدان ۇزىلمەيدى. جولىمىز تار. ءبىر ءۇيدىڭ كىشكەنتاي بالاپانى كەتىپ وتىر. مىندەتتى تۇردە سونداي شىعىن بولۋ كەرەك پە ەدى، سونداي زاڭدىلىقتى ىستەۋ ءۇشىن. مىناۋ سۇمدىق قوي!” – دەيدى كاميلا ىسقاقوۆا.
وقۋشى ولىمىنەن سوڭ اكىمدىكتەگىلەر قوزعالا باستاپتى. ساياجايدان بالالاردى تاسۋعا ەكى اۆتبوۋس ءبولىنىپتى. تاس جول ۇستىنە جىلدامدىقتى باسەڭدەتۋگە سەپتىگىن تيگىزەتىن كەدەرگىلەر قويىلعان. جاقىن كۇندەرى جىلدامدىقتى اسىرماۋدى ەسكەرتەتىن بەلگىلەر ورناتامىز دەپ سەندىرگەن شەنەۋنىكتەر تروتۋار ماسەلەسىن دە شەشەمىز دەيدى.
“ءبىزدىڭ تاراپىمىزدان حات جازىلدى. 900 مەترلىك تروتۋار، جارىقتاندىرۋمەن بىرگە. ءقازىر جۇمىس باستالدى، قازان ايىندا جۇرگىزىپ بەرەمىز. ەندى اۋىل تۇرعىندارىنىڭ سۇراۋى بويىنشا، مىنا جاققا دا تاعى 900 مەترلىك تروتۋار سالسىن دەپ جاتىر. بارلىعى 18 مىڭ مەتر، سوعان 35 ميلليون تەڭگە قاراجات ءبولىنىپ جاتىر”، – دەيدى قاراوي اۋىلدىق وكرۋگىنىڭ اكىمى ايدوس تاجەنوۆ.
ال پوليسەيلەر كولىكتى تىزگىندەگەن 23 جاستاعى دەنە شىنىقتىرۋ ساباعىنىڭ مۇعالىمىنە قاتىستى قىلمىستىق ءىس قوزعالعانىن ايتادى. ءقازىر سوتقا دەيىنگى تەرگەۋ بارىسىندا قايعىلى وقيعانىڭ ءمان-جايى انىقتالىپ جاتىر.
https://www.youtube.com/watch؟v=EhFd04dMSN0
https://dalanews.kz/news/67767-assambleia-zhanyndagy-mediaciia-instit
