قازاقستاننىڭ توتەنشە جاعدايلار مينيسترلىگى اقتاۋ ماڭىنداعى ۇشاق اپاتىنان قازا تاپقان قازاقستاندىقتاردىڭ ءتىزىمىن جاريالادى. قازا تاپقانداردىڭ اراسىندا جاس دارىگەر، ستوماتولوگ ءساليما جۋتايەۆا بار، - دەپ حابارلايدى Dalanews.kz.
25 جەلتوقساندا Embraer ERJ-190 ۇشاعىندا بولعان التى قازاقستان ازاماتىنىڭ ەسىمدەرى رەسمي تۇردە جاريالاندى. ولاردىڭ اراسىندا ماڭعىستاۋ وبلىسىنىڭ ءۇش تۇرعىنى، استانالىق ايەل مەن ونىڭ ۇلى جانە قوستاناي وبلىسىنىڭ تۋماسى ءساليما جۋتايەۆا بار.
ءساليما 29 جاستا بولعان. ول قوستانايدا ستوماتولوگ بولىپ جۇمىس ىستەگەن. ءساليما جۋتايەۆا تراگەديادان ءۇش كۇن بۇرىن Instagram پاراقشاسىندا ازەربايجان تىلىندە "سەن جاڭبىرداعى كۇن سياقتىسىڭ" دەپ جازبا جاريالاعان.
ءساليما جۋتايەۆانىڭ پاراقشاسىندا ونىڭ ستوماتولوگ ەكەنى جانە ساياحاتتاۋدى ۇناتاتىنى جازىلعان. سونداي-اق، ونىڭ ومىرىنە بايلانىستى قوستاناي مەن گروزنىي قالالارى اتالادى. قىزدىڭ پاراقشاسىندا كاسىبي قىزمەتىن كورسەتەتىن كوپتەگەن سۋرەت بار.
مارقۇمنىڭ وقىرماندارى ونىڭ وتباسى مەن جاقىندارىنا كوڭىل ايتىپ جاتىر.
