دەپۋتات ەلىمىزدەگى 50 كاسىپورىندا ەڭبەك ەتىپ جۇرگەن جۇمىسشىلاردىڭ تولەنبەگەن جالاقىسىنىڭ جالپى سوماسى 530 ميلليون تەڭگەدەن اسىپ جىعىلاتىنىن ايتتى.
سونداي-اق، 190 قىزمەتكەر جۇمىس ىستەيتىن 16 كاسىپورىننىڭ قارىزى 115 ملن تەڭگەنى قۇراپ وتىر، ونى بولاشاقتا دا تولەۋ مۇمكىن ەمەس كورىنەدى. 1300-دەن استام ادامدى جۇمىسپەن قامتىعان، ايتسە دە قارىزى جارتى ميلليارد تەڭگەگە جەتكەن باسقا 34 كاسىپورىن جۇمىسشىلارعا ەڭبەكاقى تولەۋگە مۇمكىندىگى بار ەكەنى بەلگىلى بولدى. كومپانيالاردىڭ تىيىم سالىنعان مۇلكىنىڭ ارقاسىندا جالاقى تولەۋگە از دا بولسا، مۇمكىندىك بار ەكەن.
– الەۋمەتتىك شيەلەنىستەر مەن ەڭبەك قاقتىعىستارىنىڭ ءقاۋپىن باقىلاۋ مۇمكىندىگىن قاراستىرۋ، ءار كاسىپورىن ءۇشىن الەۋمەتتىك تۇراقتىلىق يندەكسىن انىقتاۋ، ولاردى شەشۋدىڭ ناقتى شارالارىن ازىرلەۋمەن ءار پروبلەمالى كاسىپورىننىڭ جاعدايىن باعالاۋ جانە جۇمىس ىستەپ تۇرعان قالا قۇراۋشى ءارى ءىرى كاسىپورىندارعا ايرىقشا كوڭىل ءبولۋ كەرەك. ولاردىڭ جاعدايى ايماقتارداعى ساياسي-الەۋمەتتىك احۋالعا اسەر ەتەدى، – دەدى سەناتور اندرەي لۋكين.
اندرەي لۋكين جۇمىسشىلاردىڭ جۇمىسپەن قامتىلۋىن باقىلاۋ ءۇشىن، سونداي-اق جالاقى بويىنشا بەرەشەكتىڭ وسۋىنە جول بەرمەۋ ءۇشىن ەڭبەك كەلىسىم-شارتتارىن ەسەپكە الۋدىڭ ءبىرىڭعاي جۇيەسىن قولدانۋدى ۇسىنادى.
سەناتور سونىمەن قاتار اعىمداعى جىلى 1،2 ملرد.تەڭگەدەن استام قارىزدى وتەۋ قامتاماسىز ەتىلگەنىن جانە 15 مىڭ جۇمىسشىنىڭ قۇقىقتارى قورعالعانىن اتاپ ءوتتى.
