Úsh myńnan astam jumysshy jalaqysyn ala almaýda
Depýtat elimizdegi 50 kásiporynda eńbek etip júrgen jumysshylardyń tólenbegen jalaqysynyń jalpy somasy 530 million teńgeden asyp jyǵylatynyn aitty.
Sondai-aq, 190 qyzmetker jumys isteitin 16 kásiporynnyń qaryzy 115 mln teńgeni qurap otyr, ony bolashaqta da tóleý múmkin emes kórinedi. 1300-den astam adamdy jumyspen qamtyǵan, áitse de qaryzy jarty milliard teńgege jetken basqa 34 kásiporyn jumysshylarǵa eńbekaqy tóleýge múmkindigi bar ekeni belgili boldy. Kompaniialardyń tyiym salynǵan múlkiniń arqasynda jalaqy tóleýge az da bolsa, múmkindik bar eken.
– Áleýmettik shielenister men eńbek qaqtyǵystarynyń qaýpin baqylaý múmkindigin qarastyrý, ár kásiporyn úshin áleýmettik turaqtylyq indeksin anyqtaý, olardy sheshýdiń naqty sharalaryn ázirleýmen ár problemaly kásiporynnyń jaǵdaiyn baǵalaý jáne jumys istep turǵan qala quraýshy ári iri kásiporyndarǵa airyqsha kóńil bólý kerek. Olardyń jaǵdaiy aimaqtardaǵy saiasi-áleýmettik ahýalǵa áser etedi, – dedi senator Andrei Lýkin.
Andrei Lýkin jumysshylardyń jumyspen qamtylýyn baqylaý úshin, sondai-aq jalaqy boiynsha bereshektiń ósýine jol bermeý úshin eńbek kelisim-sharttaryn esepke alýdyń biryńǵai júiesin qoldanýdy usynady.
Senator sonymen qatar aǵymdaǵy jyly 1,2 mlrd.teńgeden astam qaryzdy óteý qamtamasyz etilgenin jáne 15 myń jumysshynyń quqyqtary qorǵalǵanyn atap ótti.
