تانىمال ەنشٸ ەلي وقاپوۆ "Taboo" باعدارلاماسىنا بەرگەن سۇحباتىندا جەكە ٶمٸرٸندەگٸ اۋىر كەزەڭدەردٸڭ بٸرٸن ەسكە الدى, دەپ حابارلايدى dalanews.kz.
ٶنەر يەسٸنٸڭ ايتۋىنشا, بٸر كەزدەرٸ جۇبايى ەركەمەن اراسى سۋىپ, ەكەۋٸ مٷلدە ارالاسپاي كەتكەن. دەل سول ۋاقىتتا ول ەركەنٸ قانشالىقتى جاقسى كٶرەتٸنٸن تٷسٸنگەنٸن ايتتى.
"عاشىق ەكەنٸمدٸ ۇرىسىپ قالعان كەزدە تٷسٸندٸم. ەكەۋمٸز مٷلدە ارالاسپاي كەتتٸك. قازٸردٸڭ ٶزٸندە بالام مەن ەيەلٸم اتىراۋدا بولسا, ولار كەتكەندە ٶمٸرٸمنٸڭ بوياۋى كەتٸپ قالعانداي بولادى. ٷي تىپ-تىنىش, ەشتەڭە قىزىق ەمەس. سول كەزدە دە دەل سونداي كٷي كەشتٸم", – دەدٸ ەلي وقاپوۆ.
ەنشٸنٸڭ سٶزٸنشە, ونىڭ كٶڭٸل كٷيٸندەگٸ ٶزگەرٸستٸ اناسى روزا رىمباەۆا بايقاپ, جاعدايىن سۇراعان. ەلي اناسىنا ەركەمەن ارالاسپاي كەتكەنٸن, اجىراسقانداي كٷيدە جٷرگەنٸن اشىق ايتقان. سول كەزدە اناسى وعان سابىرمەن كەڭەس بەرگەن.
"انام: "جارايدى, بالام, ٶزٸڭ بٸلەسٸڭ. بٸراق پٸكٸر رەتٸندە ايتايىن, ەركە ماعان ۇنايدى. ول سەنٸڭ تەڭٸڭ سيياقتى", – دەدٸ", – دەپ ەسكە الدى ەنشٸ.
وسى سٶزدەردەن كەيٸن ەلي وقاپوۆ گٷل الىپ, ەركەگە بارعانىن ايتتى. ول جۇبايىنان كەشٸرٸم سۇراپ, ەكەۋٸ قايتا تاتۋلاسقان.
"دالادا جاڭبىر جاۋىپ تۇردى. بٸز تاتۋلاستىق, قۇشاقتاستىق. سول سەتتەن باستاپ ٶمٸرٸم قايتادان تٷرلٸ-تٷستٸ بوياۋعا ەندٸ", – دەدٸ ٶنەر يەسٸ.
