سەمەي قالالىق اۋرۋحاناسىندا بەستەرەك اۋىلىندا بولعان جول اپاتىندا اۋىر جاراقات العان 9 جاستاعى قىز بالا كوز جۇمدى. ول وسى ۋاقىتقا دەيىن ەس-تۇسسىز كومادا جاتقان ەدى، دەپ حابارلايدى Dalanews.kz.

“ناۋقاس قىزدىڭ جاعدايى وتە اۋىر ەدى. دارىگەرلەر ونىڭ ءومىرى ءۇشىن كۇرەستى. بار مۇمكىندىكتى جاسادى. الايدا ول العان جاراقاتتارى سالدارىنان ەسىن جيماستان قايتىس بولدى”، — دەپ مالىمدەدى اباي وبلىسىنىڭ دەنساۋلىق ساقتاۋ باسقارماسى.

ەسكە سالا كەتسەك، 19 تامىزدا اباي وبلىسىنىڭ ءۇرجار اۋدانىندا 55 جاستاعى جۇرگىزۋشى ءۇيدىڭ قاقپاسى ماڭىندا ويناپ جۇرگەن التى بالانى كولىكپەن قاعىپ كەتكەن ەدى. سول ساتتە ۇشەۋى — ەكى، بەس جانە سەگىز جاستاعى بالالار وقيعا ورنىندا قازا تاپتى. سونداي-اق 6-9 جاس ارالىعىنداعى تاعى ءۇش بالا جاراقات الدى.

كولىك جۇرگىزۋشىسى ەكى ايعا قاماۋعا الىندى. ونىڭ تۋىستارىنىڭ ايتۋىنشا، اپاتقا جۇرەك تالماسى سەبەپ بولعان.

ايتا كەتەيىك، بۇعان دەيىن استانا قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى زارداپ شەككەن ەكى بالا اۋرۋحانادان شىققانى تۋرالى مالىمدەگەن ەدى.

“بۇگىندە ەكى بالانىڭ جاعدايى جاقسى. تۇراقتى. شاعىمدارى جوق”، — دەلىنگەن مالىمدەمەدە.