استانا قالالىق قىلمىستىق ٸستەر جٶنٸندەگٸ اۋدانارالىق سوتىنىڭ دەرەكتەرٸنە سەيكەس, باتىرباەۆ 2021 جىلى شەتەلدٸك كومپانييالارمەن نارىقتان تٶمەن باعادا 13 كەلٸسٸمشارت جاساسقان. مەملەكەتكە كەلتٸرٸلگەن زالال كٶلەمٸ 20,1 ملرد تەڭگەدەن اسادى. باتىرباەۆ وسىلايشا جىلدىق جوسپاردى 120%-عا اسىرا ورىنداعان. سول ٷشٸن 2022 جىلى ول "قازاتومٶنەركەسٸپتەن" 54 ملن تەڭگەدەن استام بونۋس العان, ونىڭ 9 ملن تەڭگەسٸ تٸكەلەي وسى 13 مەمٸلەمەن بايلانىستى بولعان.
سوتتا باتىرباەۆ ٶز كٸنەسٸن مويىندامادى, ول كەلٸسٸمشارتتاردىڭ سىياقى مٶلشەرٸنە ەسەر ەتەتٸنٸن بٸلمەگەنٸن, شەتەلدٸك كومپانييالاردىڭ مٷددەسٸن قورعاماعانىن ايتتى. ونىڭ ايتۋىنشا, باعا ۇسىنىستار بويىنشا بٸر فۋنت ٷشٸن اپتالىق نەمەسە ايلىق باعادان بەلگٸلەنەدٸ. ودان كەيٸن ۇسىنىس ەلەۋەتتٸ ساتىپ الۋشىعا جٸبەرٸلەدٸ. ەگەر ساتىپ الۋشى باعامەن كەلٸسپەسە, وندا ول جەڭٸلدٸك سۇراي الادى. ال جەڭٸلدٸكتەر مەسەلەسٸ ٸشكٸ كەڭەستەردە تالقىلانادى جەنە "قازاتومٶنەركەسٸپ "ۇاك" اق باسقارماسى مەن ديرەكتورلار كەڭەسٸنٸڭ وتىرىستارىندا تالدانادى. ولار ماقۇلدانعاننان كەيٸن عانا كەلٸسٸمشارتتار جاسالادى.
سوت باتىرباەۆ كەلٸسٸمشارتتاردىڭ مەرزٸمٸن بۇزدى دەگەن قورىتىندىعا كەلدٸ. وسىعان بايلانىستى ۋران تٶمەن باعامەن ساتىلعان. باسقارما مەن ديرەكتورلار كەڭەسٸ وتىرىستارىنداعى بەينەجازبالار تالدانعان, وندا جەڭٸلدٸكتەر جايى تالقىلانبايدى. باتىرباەۆ ديسكونتتىڭ بەلگٸلەنگەن مٶلشەرٸن عانا ايتادى. وتىرىستاردىڭ جازباشا حاتتامالارىندا باسشىلىقتىڭ ۋراننىڭ نارىقتىق قۇنىنان 5%-عا دەيٸن تٶمەن جەڭٸلدٸكپەن بەرۋگە رۇقسات بەرگەن كەلٸسٸمٸ جوق.
سوت سوتتالۋشى باتىرباەۆتىڭ مۇنىڭ بەرٸن سىياقى الۋ ٷشٸن جاسادى دەپ تانىدى. ول قر قك-نٸڭ 361-بابى, 3-تارماعىنىڭ 4-بٶلٸگٸ (اۋىر زارداپتارعا ەكەپ سوققان لاۋازىمدىق ٶكٸلەتتٸكتەردٸ تەرٸس پايدالانۋ) بويىنشا كٸنەلٸ دەپ تانىلىپ, زاڭسىز الىنعان سىياقى - 9 ملن تەڭگەنٸ قايتارۋ, 4,5 جىلعا باس بوستاندىعىنان ايىرۋ جازاسىنا كەسٸلدٸ.
سوت پرەزيدەنتكە باتىرباەۆتى "ەرەن ەڭبەگٸ ٷشٸن" مەملەكەتتٸك ناگراداسىنان ايىرۋ تۋرالى ۇسىنىس ەنگٸزٸپ, "سامۇرىق-قازىنا" اق پايداسىنا 20,1 ملرد تەڭگە كٶلەمٸندە ماتەريالدىق زالال سوماسىن ٶندٸرٸپ الدى.
عالىمجان پٸرماتوۆ 2021 جىلى تامىزدا "قازاتومٶنەركەسٸپ" ۇاك" اق باسقارماسى تٶراعاسى قىزمەتٸنەن ٶز ەركٸمەن كەتكەن.
بۇعان دەيٸن سايتىمىزدا "ترامپ جارلىققا قول قويعاننان كەيٸن Kazatomprom اكتسييالارىنىڭ قۇنى شارىقتاي جٶنەلدٸ" دەگەن ماقالا جارييالانعان بولاتىن.
