الماتى وبلىسى بالقاش اۋدانىنىڭ اعا پروكۋرورى قونايەۆتا ۇستالدى. اقپاراتتى ۇلتتىق قاۋىپسىزدىك كوميتەتى راستادى، دەپ حابارلايدى Dalanews.kz.
كۇنى كەشە تەلەگرام ارنالارىندا ۇلتتىق قاۋىپسىزدىك كوميتەتى بالقاش اۋدانىنىڭ اعا پروكۋرورىن ءۇش ميلليون تەڭگە كولەمىندە پارا الىپ جاتقان جەرىنەن ۇستاعانى تۋرالى اقپارات پايدا بولعان ەدى.
ۇلتتىق قاۋىپسىزدىك كوميتەتى ۇستاۋ فاكتىسىن راستادى.
"ءبىز وسى جىلدىڭ 12 اقپانىندا ۇلتتىق قاۋىپسىزدىك كوميتەتىنىڭ الماتى وبلىسى بويىنشا دەپارتامەنتى مەن باس پروكۋراتۋرانىڭ جەكە قاۋىپسىزدىك باسقارماسىنىڭ بىرلەسكەن ءىس-شارالارى اياسىندا ق.سونابايەۆتىڭ قونايەۆ قالاسىندا ۇستالۋ فاكتىسىن راستايمىز"، - دەدى ۇلتتىق قاۋىپسىزدىك كوميتەتى.
ۇستالعان ازاماتقا قاتىستى ق ر قىلمىستىق كودەكسىنىڭ 24-بابىنىڭ 3-بولىگى جانە 190-بابىنىڭ 3-بولىگى ("الاياقتىق") بويىنشا سوتقا دەيىنگى تەرگەۋ امالدارى جۇرگىزىلۋدە. قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابىنىڭ 1-بولىگىنە سايكەس تەرگەۋ مالىمەتتەرى جاريا ەتىلمەيدى.
ەسكە سالايىق، بۇعان دەيىن جەتىسۋ وبلىسىنداعى كاسىپورىننىڭ ەكس-ديرەكتورى 100 ميلليون تەڭگە جىمقىرعانى ءۇشىن سوتتالعانى حابارلانعان بولاتىن.
