Almaty oblysy Balqash aýdanynyń aǵa prokýrory Qonaevta ustaldy. Aqparatty Ulttyq qaýipsizdik komiteti rastady, dep habarlaidy Dalanews.kz.
Kúni keshe telegram arnalarynda Ulttyq qaýipsizdik komiteti Balqash aýdanynyń aǵa prokýroryn úsh million teńge kóleminde para alyp jatqan jerinen ustaǵany týraly aqparat paida bolǵan edi.
Ulttyq qaýipsizdik komiteti ustaý faktisin rastady.
"Biz osy jyldyń 12 aqpanynda Ulttyq qaýipsizdik komitetiniń Almaty oblysy boiynsha departamenti men bas prokýratýranyń jeke qaýipsizdik basqarmasynyń birlesken is-sharalary aiasynda Q.Sonabaevtyń Qonaev qalasynda ustalý faktisin rastaimyz", - dedi Ulttyq qaýipsizdik komiteti.
Ustalǵan azamatqa qatysty QR Qylmystyq kodeksiniń 24-babynyń 3-bóligi jáne 190-babynyń 3-bóligi ("Alaiaqtyq") boiynsha sotqa deiingi tergeý amaldary júrgizilýde. Qazaqstan Respýblikasy Qylmystyq-protsestik kodeksiniń 201-babynyń 1-bóligine sáikes tergeý málimetteri jariia etilmeidi.
Eske salaiyq, buǵan deiin Jetisý oblysyndaǵy kásiporynnyń eks-direktory 100 million teńge jymqyrǵany úshin sottalǵany habarlanǵan bolatyn.
