ۇلتتىق قاۋىپسىزدىك كوميتەتى الماتى وبلىسى ىلە اۋدانى اكىمىنىڭ ورىنباسارى قۋات اقشابايەۆتىڭ ۇستالۋىنا بايلانىستى رەسمي اقپارات تاراتتى، دەپ حابارلايدى Dalanews.kz politico سايتىنا سىلتەمە جاساپ.
كوميتەتتىڭ مالىمەتىنشە، قازىرگى ۋاقىتتا اتالعان دەرەك بويىنشا سوتقا دەيىنگى تەرگەۋ امالدارى ءجۇرىپ جاتىر.
"سوتقا دەيىنگى تەرگەپ-تەكسەرۋ جۇرگىزىلۋدە. قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس، ءىس بويىنشا وزگە مالىمەتتەر جاريا ەتىلمەيدى"، - دەپ حابارلادى ۇقك.
بۇعان دەيىن الەۋمەتتىك جەلىلەردە ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى باعىتى بويىنشا ارنايى وپەراسيا وتكىزىلگەنى تۋرالى اقپارات تاراعان ەدى. رەسمي ەمەس دەرەككوزدەر قۋات قاراباي ۇلى اقشابايەۆتىڭ 28 ميلليون تەڭگە كولەمىندە پارا الدى دەگەن كۇدىككە ىلىنگەنىن مالىمدەپ وتىر.
ايتا كەتەيىك، قۋات اقشابايەۆ ىلە اۋدانى اكىمىنىڭ ورىنباسارى قىزمەتىنە 2025 جىلدىڭ اقپان ايىندا عانا تاعايىندالعان بولاتىن. 1986 جىلى دۇنيەگە كەلگەن شەنەۋنىك بۇعان دەيىن ەڭبەكشىقازاق اۋدانى اكىمىنىڭ ورىنباسارى، راحات اۋىلدىق وكرۋگىنىڭ اكىمى، سونداي-اق ەسىك قالاسى اكىمىنىڭ ورىنباسارى لاۋازىمدارىن اتقارعان.
ەڭبەك جولىن ەسەپشىلىك قىزمەتتەن باستاعان ول كەيىن حالىققا قىزمەت كورسەتۋ ورتالىقتارىندا دا جۇمىس ىستەگەن.
