ٷندەۋ

قازاقستان مۇسىلماندارى دٸني باسقارماسىنىڭ تٶراعاسى,

باس مٷفتي ەرجان قاجى مالعاجىۇلىنىڭ

قاسيەتتٸ رامازان ايىنا بايلانىستى حالىققا

ٷندەۋٸ

 اسا قامقور, ەرەكشە مەيٸرٸمدٸ اللانىڭ اتىمەن باستايمىن!

قۇرمەتتٸ وتانداستار, باۋىرلار! بارشاڭىزدى كٷللٸ مۇسىلمان بالاسى ساعىنا كٷتكەن, بەرەكەلٸ, قاسيەتتٸ رامازان ايىنىڭ كەلۋٸمەن شىن جٷرەكتەن قۇتتىقتايمىن. رامازان مٷبەراك بولعاي!

رامازان – جالپىعا ورتاق ٸزگٸ امالدار ماۋسىمى. ورازا – تەربيە, سابىر, قايىرىمدىلىق, ٸزگٸلٸك مەكتەبٸ.

رامازان – قايىرىمدى جاندار ٷشٸن ٷلكەن مٷمكٸندٸك. ورازادا جاسالعان جاراتۋشى يەمٸزگە ۇنامدى ەربٸر قايىرلى ٸس – ٷلكەن ساۋاپ. پايعامبارىمىز مۇحاممەد (اللانىڭ وعان سالاۋاتى مەن سەلەمٸ بولسىن) بٸر ٶسيەتٸندە: «ادامداردىڭ جاقسىسى – ەلگە پايداسى تيگەندەرٸ», – دەگەن. ادام قالاي نيەت ەتسە, سول ماقساتىنا جەتەدٸ.

ەر پەندە ساۋاپتى امالىمەن, تاقۋالىعىمەن اللانىڭ الدىندا دەرەجەسٸ ارتادى. جومارت, جاناشىر ازاماتتاردى, كەسٸپكەرلەردٸ كٶمەككە مۇقتاج ادامدارعا قامقورلىق كٶرسەتۋگە, مەسەلەن, سۋ تاسقىنىنان ٷيسٸز, شاراسىز قالعان وتانداستارىمىزعا قايىرىمدىلىق جاساۋعا, تابيعي اپات سالدارىنان بۇزىلعان ٷيلەردٸ جٶندەۋگە قولۇشىن بەرۋگە, جەتٸم مەن جەسٸرگە مەيٸرٸمدٸلٸك تانىتىپ, قاراۋسىز قالعان قارتتارعا كٶڭٸل بٶلۋگە شاقىرامىن.

زەكەت بەرۋ – جاعدايى كەلگەن (شاريعات بويىنشا نيساپ مٶلشەرٸنە جەتكەن) مۇسىلمانعا پارىز. ال زەكەت بەرەكەلٸ رامازان ايىندا بەرٸلسە, ونىڭ دا ساۋابى ەسەلەنٸپ جازىلادى.

قاسيەتتٸ ايدىڭ قۇرمەتٸ ٷشٸن ازىق-تٷلٸك, كٶكٶنٸس پەن تۇرمىستىق زاتتارعا جەڭٸلدٸك جاسالىپ, قۇدايى استار مەن ساداقالار اۋىزاشار ۋاقىتىندا ۇيىمداستىرىلسا, تويلار ٸشٸمدٸكسٸز ٶتكٸزٸلسە, جاماندىقتىڭ باستاۋى بولعان اراق-شاراپتىڭ ساتىلۋىنا بارىنشا جول بەرٸلمەسە دەگەن تٸلەگٸمدٸ بٸلدٸرەمٸن.

سونىمەن قاتار, كٶپشٸلٸك جۇرتقا ورازانىڭ ەر كٷنٸندە بٸر جاقسىلىق جاساۋدى جوسپارلاپ, وسىناۋ ساۋاپتى امالداردى ىقىلاسپەن ورىنداۋعا, اللانىڭ ەردايىم بٸزگە ٷزدٸكسٸز نەسٸپ ەتەتٸن نىعمەتتەرٸنەن ساداقا بەرۋگە شاقىرامىن. ٸزگٸ امالدار رامازاننان كەيٸنگٸ ايلاردا دا جالعاسىن تاپسا يگٸ.

رامازان – بٸرلٸك ايى. وسى ايدا بەرٸلەتٸن اۋىزاشارلار اعايىن-جۇرتتىڭ اراسىن جاقىنداستىرىپ, يگٸ ٸس-شارالار مەن قايىرىمدىلىق اكتسييالار حالقىمىزدى سەنٸمٸ مەن نەسٸلٸنە قاراماي, ورتاق ماقساتقا ٷندەيدٸ. بٷكٸل ەلەمنٸڭ جاراتۋشىسى بارشا ادامعا: «بٶلٸنبەڭدەر», – دەپ باۋىرمال بولۋعا بۇيىرعان. بٸرلٸگٸ كٷشتٸ ەلدٸڭ بەرەكەسٸ ارتادى. بٸرلٸگٸمٸزگە بەكەم بولايىق!

قادٸرلٸ جاماعات! ساۋابى ەسەلەنٸپ جازىلاتىن قاسيەتتٸ ايدا جاساعان امالدارىمىز بەن ٸزگٸ نيەتتەرٸمٸزدٸ اللا تاعالا قابىل ەتكەي! ەۋمين!