ۇلىتاۋ وبلىسىنىڭ پروكۋراتۋراسى جٷرگٸزگەن تالداۋ بارىسىندا اليمەنت بويىنشا بەرەشەگٸ بولا تۇرا, بۋكمەكەرلٸك كەڭسەلەردە تۇراقتى تٷردە بەس تٸككەن 22 ەر ادام انىقتالدى, دەپ حابارلايدى dalanews.kz.
پروكۋراتۋرا مەلٸمەتٸنشە, ولاردىڭ بٸرٸ 3,9 ملن تەڭگە كٶلەمٸندە اليمەنت قارىزىنا قاراماستان, 2020 جىلدان بەرٸ بۋكمەكەرلٸك كەڭسەدە تٸركەلگەن. وسى ۋاقىت ٸشٸندە ول جەكە ەسەپشوتىنا 4,6 ملن تەڭگە اۋدارىپ, 3,1 ملن تەڭگە ۇتىس العان. الايدا بۇل قاراجاتتىڭ ەشقايسىسى بالالارىن اسىراۋعا جۇمسالماعان.
اتالعان دەرەكتەر بويىنشا بالالاردى اسىراۋعا ارنالعان قاراجاتتى تٶلەۋدەن جالتارۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ باستالدى.
پروكۋراتۋرا اليمەنت تٶلەۋ – زاڭمەن بەلگٸلەنگەن مٸندەت ەكەنٸن ەسكە سالىپ, اتا-انالاردى بالالار الدىنداعى جاۋاپكەرشٸلٸكتٸ ورىنداۋعا شاقىردى.
