Ulytaý oblysynyń prokýratýrasy júrgizgen taldaý barysynda aliment boiynsha bereshegi bola tura, býkmekerlik keńselerde turaqty túrde bás tikken 22 er adam anyqtaldy, dep habarlaidy dalanews.kz.
Prokýratýra málimetinshe, olardyń biri 3,9 mln teńge kóleminde aliment qaryzyna qaramastan, 2020 jyldan beri býkmekerlik keńsede tirkelgen. Osy ýaqyt ishinde ol jeke esepshotyna 4,6 mln teńge aýdaryp, 3,1 mln teńge utys alǵan. Alaida bul qarajattyń eshqaisysy balalaryn asyraýǵa jumsalmaǵan.
Atalǵan derekter boiynsha balalardy asyraýǵa arnalǵan qarajatty tóleýden jaltarý faktisi boiynsha sotqa deiingi tergep-tekserý bastaldy.
Prokýratýra aliment tóleý – zańmen belgilengen mindet ekenin eske salyp, ata-analardy balalar aldyndaǵy jaýapkershilikti oryndaýǵa shaqyrdy.
