قازاقستان ۇلتتىق بانكٸ 2026 جىلدىڭ باسىنان بەرٸ التىن قورىن بەلسەندٸ تولىقتىرۋدى جالعاستىرىپ كەلەدٸ. دٷنيەجٷزٸلٸك التىن كەڭەسٸنٸڭ (World Gold Council) سوڭعى دەرەكتەرٸنە سەيكەس, جىل باسىنان بەرٸ ەلدٸڭ التىن رەزەرۆٸ 27,55 تونناعا ۇلعايعان, دەپ حابارلايدى dalanews.kz.
وسىنىڭ نەتيجەسٸندە قازاقستان ەلەمدەگٸ التىندى ەڭ كٶپ ساتىپ العان ورتالىق بانكتەردٸڭ قاتارىنا ەندٸ. ەكٸنشٸ توقساننىڭ قورىتىندىسى بويىنشا ەل التىن ساتىپ الۋ كٶلەمٸ جٶنٸنەن ەلەمدٸك ٷزدٸك بەستٸككە كٸردٸ.
بۇعان دەيٸن دٷنيەجٷزٸلٸك التىن كەڭەسٸ مامىر ايىنىڭ قورىتىندىسى بويىنشا قازاقستاننىڭ التىن قورى 20 تونناعا ارتقانىن حابارلاعان ەدٸ. كەيٸن ماۋسىم ايىندا ۇلتتىق بانك تاعى شامامەن 7 توننا التىن ساتىپ الىپ, جالپى كٶرسەتكٸشتٸ 27,55 تونناعا جەتكٸزدٸ. سونىڭ ارقاسىندا قازاقستان ەلەمدەگٸ ەڭ ٸرٸ التىن ساتىپ الۋشى ورتالىق بانكتەردٸڭ بٸرٸ رەتٸندە ٶز پوزيتسيياسىن ساقتاپ قالدى.
ساراپشىلاردىڭ ايتۋىنشا, ورتالىق بانكتەردٸڭ التىن ساتىپ الۋى حالىقارالىق رەزەرۆتەردٸ ەرتاراپتاندىرۋعا, سىرتقى ەكونوميكالىق تەۋەكەلدەردەن قورعانۋعا جەنە ۇلتتىق قارجى جٷيەسٸنٸڭ تۇراقتىلىعىن كٷشەيتۋگە باعىتتالعان. قازاقستان دا وسى ساياساتتى ۇستانىپ, وتاندىق ٶندٸرۋشٸلەردەن تازارتىلعان التىندى ساتىپ الۋ ارقىلى التىن-ۆاليۋتا رەزەرۆٸن ۇلعايتىپ كەلەدٸ.
سونىمەن قاتار دٷنيەجٷزٸلٸك التىن كەڭەسٸنٸڭ سوڭعى توقساندىق ەسەبٸندە ەلەم بويىنشا ورتالىق بانكتەردٸڭ التىن ساتىپ الۋ قارقىنى بٸرشاما بەسەڭدەگەنٸ ايتىلعان. سوعان قاراماستان قازاقستان التىن قورىن ۇلعايتۋدى جالعاستىرىپ وتىرعان ساناۋلى مەملەكەتتەردٸڭ قاتارىندا قالىپ وتىر.
