Qazaqstan Ulttyq banki 2026 jyldyń basynan beri altyn qoryn belsendi tolyqtyrýdy jalǵastyryp keledi. Dúniejúzilik altyn keńesiniń (World Gold Council) sońǵy derekterine sáikes, jyl basynan beri eldiń altyn rezervi 27,55 tonnaǵa ulǵaiǵan, dep habarlaidy dalanews.kz.
Osynyń nátijesinde Qazaqstan álemdegi altyndy eń kóp satyp alǵan ortalyq bankterdiń qataryna endi. Ekinshi toqsannyń qorytyndysy boiynsha el altyn satyp alý kólemi jóninen álemdik úzdik bestikke kirdi.
Buǵan deiin Dúniejúzilik altyn keńesi mamyr aiynyń qorytyndysy boiynsha Qazaqstannyń altyn qory 20 tonnaǵa artqanyn habarlaǵan edi. Keiin maýsym aiynda Ulttyq bank taǵy shamamen 7 tonna altyn satyp alyp, jalpy kórsetkishti 27,55 tonnaǵa jetkizdi. Sonyń arqasynda Qazaqstan álemdegi eń iri altyn satyp alýshy ortalyq bankterdiń biri retinde óz pozitsiiasyn saqtap qaldy.
Sarapshylardyń aitýynsha, ortalyq bankterdiń altyn satyp alýy halyqaralyq rezervterdi ártaraptandyrýǵa, syrtqy ekonomikalyq táýekelderden qorǵanýǵa jáne ulttyq qarjy júiesiniń turaqtylyǵyn kúsheitýge baǵyttalǵan. Qazaqstan da osy saiasatty ustanyp, otandyq óndirýshilerden tazartylǵan altyndy satyp alý arqyly altyn-valiýta rezervin ulǵaityp keledi.
Sonymen qatar Dúniejúzilik altyn keńesiniń sońǵy toqsandyq esebinde álem boiynsha ortalyq bankterdiń altyn satyp alý qarqyny birshama báseńdegeni aitylǵan. Soǵan qaramastan Qazaqstan altyn qoryn ulǵaitýdy jalǵastyryp otyrǵan sanaýly memleketterdiń qatarynda qalyp otyr.
