كەزدەسۋ بارىسىندا بولات تلەپوۆ ۇلتتىق جوبانى ءتيىمدى ىسكە اسىرۋ ءۇشىن ءاقپاراتتىق-تۇسىندىرۋ جۇمىستارىن جانداندىرۋ قاجەتتىلىگىنە نازار اۋداردى.
– جالپىادامزاتتىق قۇندىلىقتار مەن الەمدىك قوعامداستىقتى حالقىمىزدىڭ وزىندىك جانە بىرەگەي تىلىمەن جاڭا ۇرپاقتىڭ بويىنا ءسىڭىرىپ، جەتكىزۋ؛ مادەنيەتى جانە تاريحىمەن بايىتۋ؛ شىنايى ومىردە قوعامنىڭ بارلىق سالت-داستۇرلەرىن ساقتاي ءبىلۋ – بۇل قوعامنىڭ جاڭا اشىق، سىندارلى جانە پراگماتيكالىق ساناسىنىڭ پارامەترلەرى، – دەدى ب.تلەپوۆ.
ەستەرىڭىزگە سالا كەتەيىك، جوبانىڭ ماقساتى: ۇلتتىق-مادەني بىرەگەيلىكتى ساقتاۋ جانە مادەني ونىمدەردىڭ ساپاسى مەن الۋان تۇرلىلىگىن ىنتالاندىرۋ، ارتتىرۋ، سونداي-اق جاس ۇرپاقتىڭ رۋحاني ادامگەرشىلىك قۇندىلىقتارىن قالىپتاستىرۋ ارقىلى ءاربىر قازاقستاندىقتىڭ كوركەمدىك-شىعارماشىلىق الەۋەتىن ارتتىرۋ.
جوبا نەگىزگى ءۇش باعىتتان تۇرادى، وندا 7 مىندەت ايقىندالعان:
- قازاقستاندىق بىرەگەيلىك پەن زياتكەرلىك الەۋەتتى دامىتۋ؛
- مەملەكەتتىك ءتىلدى دامىتۋ ءۇشىن جاعداي جاساۋ؛
- مادەنيەت سالاسىنداعى قىزمەتتەردىڭ قولجەتىمدىلىگى مەن ساپاسىن ارتتىرۋ؛
- وتاندىق مادەني ءونىمدى تانىمال ەتۋ؛
- جاستار ءۇشىن جاڭا مۇمكىندىكتەردى دامىتۋ؛
- NEET ساناتىنداعى جاستاردىڭ الەۋمەتتەنۋى؛
- جاستاردى قوعامدىق پايدالى قىزمەتكە تارتۋ.
انىقتاما رەتىندە:
«ۇلتتىق رۋحاني جاڭعىرۋ» ۇلتتىق جوباسى ءۇش نەگىزگى باعىتتان تۇرادى.
ءبىرىنشى باعىت «رۋحاني جاڭعىرۋ» قۇندىلىقتارىن ىلگەرىلەتۋ جانە مەملەكەتتىك ءتىلدى دامىتۋ. مىندەت – قازاقستاندىق بىرەگەيلىك پەن زياتكەرلىك الەۋەتتى دامىتۋ جانە مەملەكەتتىك ءتىلدى دامىتۋ ءۇشىن جاعداي جاساۋ. بۇل ءۇشىن 38 ءىس-شارا مەن 8 كورسەتكىش ايقىندالدى.
«ەل رۋحى» دەپ اتالاتىن ەكىنشى باعىت: مادەنيەت سالاسىنداعى قىزمەتتەردىڭ قولجەتىمدىلىگىن قامتاماسىز ەتۋ، ساپاسىن ارتتىرۋ جانە وتاندىق مادەني ءونىمدى تانىمال ەتۋ بويىنشا مىندەتتەردى قامتيدى. «ەل رۋحى» باعىتىندا 13 ءىس-شارا مەن 5 كورسەتكىش بەلگىلەنگەن.
ءۇشىنشى باعىت «تاۋەلسىزدىك ۇرپاقتارى». بۇل جاستار ءۇشىن جاڭا مۇمكىندىكتەر اشۋ، ولاردى قوعامدىق پايدالى قىزمەتكە تارتۋ. بۇل باعىتتا 8 ناقتى كورسەتكىشكە قول جەتكىزۋ جانە 15 اۋقىمدى جالپىۇلتتىق ءىس-شارا وتكىزۋ جوسپارلانۋدا؛ ونىڭ ىشىندە NEET ساناتىنداعى جاستارمەن جۇمىسقا ەرەكشە نازار اۋدارىلاتىن بولادى.
