Kezdesý barysynda Bolat Tlepov ulttyq jobany tıimdi iske asyrý úshin aqparattyq-túsindirý jumystaryn jandandyrý qajettiligine nazar aýdardy.
– Jalpyadamzattyq qundylyqtar men álemdik qoǵamdastyqty halqymyzdyń ózindik jáne biregeı tilimen jańa urpaqtyń boıyna sińirip, jetkizý; mádenıeti jáne tarıhymen baıytý; shynaıy ómirde qoǵamnyń barlyq salt-dástúrlerin saqtaı bilý – bul qoǵamnyń jańa ashyq, syndarly jáne pragmatıkalyq sanasynyń parametrleri, – dedi B.Tlepov.
Esterińizge sala keteıik, jobanyń maqsaty: ulttyq-mádenı biregeılikti saqtaý jáne mádenı ónimderdiń sapasy men alýan túrliligin yntalandyrý, arttyrý, sondaı-aq jas urpaqtyń rýhanı adamgershilik qundylyqtaryn qalyptastyrý arqyly árbir qazaqstandyqtyń kórkemdik-shyǵarmashylyq áleýetin arttyrý.
Joba negizgi úsh baǵyttan turady, onda 7 mindet aıqyndalǵan:
- qazaqstandyq biregeılik pen zıatkerlik áleýetti damytý;
- memlekettik tildi damytý úshin jaǵdaı jasaý;
- mádenıet salasyndaǵy qyzmetterdiń qoljetimdiligi men sapasyn arttyrý;
- otandyq mádenı ónimdi tanymal etý;
- jastar úshin jańa múmkindikterdi damytý;
- NEET sanatyndaǵy jastardyń áleýmettenýi;
- jastardy qoǵamdyq paıdaly qyzmetke tartý.
Anyqtama retinde:
«Ulttyq rýhanı jańǵyrý» Ulttyq jobasy úsh negizgi baǵyttan turady.
Birinshi baǵyt «Rýhanı jańǵyrý» qundylyqtaryn ilgeriletý jáne memlekettik tildi damytý. Mindet – qazaqstandyq biregeılik pen zıatkerlik áleýetti damytý jáne memlekettik tildi damytý úshin jaǵdaı jasaý. Bul úshin 38 is-shara men 8 kórsetkish aıqyndaldy.
«El rýhy» dep atalatyn ekinshi baǵyt: mádenıet salasyndaǵy qyzmetterdiń qoljetimdiligin qamtamasyz etý, sapasyn arttyrý jáne otandyq mádenı ónimdi tanymal etý boıynsha mindetterdi qamtıdy. «El rýhy» baǵytynda 13 is-shara men 5 kórsetkish belgilengen.
Úshinshi baǵyt «Táýelsizdik urpaqtary». Bul jastar úshin jańa múmkindikter ashý, olardy qoǵamdyq paıdaly qyzmetke tartý. Bul baǵytta 8 naqty kórsetkishke qol jetkizý jáne 15 aýqymdy jalpyulttyq is-shara ótkizý josparlanýda; onyń ishinde NEET sanatyndaǵy jastarmen jumysqa erekshe nazar aýdarylatyn bolady.
