ۇلتتىق قوردان ءبىر ايدا 609 ملن دوللار ساتىلعان

قاراكوز امانتاي 01 ناۋ. 2024 17:06 2683

قازاقستان ۇلتتىق بانكى 2024 جىلى اقپاندا ۇلتتىق قوردان 609 ملن دوللار ساتقان، دەپ حابارلايدى Dalanews.kz.

اقپاننىڭ قورىتىندىسى بويىنشا تەڭگە باعامى 0،6%-عا السىرەدى. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 172 ملن اقش دوللارىنان 187 ملن اقش دوللارعا دەيىن ۇلعايدى. ساۋدا-ساتتىقتىڭ جالپى كولەمى 3،9 ملرد اقش دوللاردى كورسەتتى.

"ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ اقپاندا 609 ملن اقش دوللارىن قۇرادى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 16%-ىن جانە كۇنىنە 29 ملن اقش دوللارىنان اسپايتىن مولشەردە بولدى. ۇلتتىق بانك ۇلتتىق قوردىڭ قاراجاتىمەن وپەراسيالار جۇرگىزۋ كەزىندە نارىقتىق بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جانە بىركەلكى ساتۋدى بىلدىرەدى. بۇل تاجىريبە ۇلتتىق قور وپەراسيالارىنىڭ ۆاليۋتا نارىعىنا اسەرىن بارىنشا ازايتۋعا مۇمكىندىك بەرەدى"، - دەپ حابارلادى ۇلتتىق بانك.

ۇلتتىق بانك بجزق زەينەتاقى اكتيۆتەرىنىڭ ۆاليۋتالىق ۇلەسىن 30% دەڭگەيىندە ۇستاپ تۇرۋ ماقساتىندا اقپاندا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى. ونىڭ جالپى سوماسى 400 ملن اقش دوللارىن نەمەسە نارىقتىڭ جالپى كولەمىنىڭ شامامەن 10%-ىن قۇرادى.

ال ناۋرىز ايىندا ۇلتتىق بانك 700-800 ملن اقش دوللارىنا تەڭ ۆاليۋتا ساتۋدى جوسپارلاپ وتىر. ودان تۇسكەن قارجى رەسپۋبليكالىق بيۋدجەتكە ترانسفەرت رەتىندە جۇمسالادى


ۇسىنىلعان
سوڭعى جاڭالىقتار
x