«ۇلتتىق قور – بالالارعا» جوباسى اياسىنداعى العاشقى اقشا بالالاردىڭ شوتىنا 2024 جىلدىڭ 1 اقپانىنان باستاپ تۇسەدى»، – دەدى قارجى ۆيسە-مينيسترى.
د. تەمىربەكوۆ باعدارلاما 2024 جىلدىڭ 1 قاڭتارىنان باستالاتىنىن، اقشانى ەسەپتەۋ مەن ءبىر بالاعا شاققانداعى سومانى انىقتاۋعا ءبىر اي قاجەت ەكەنىن ايتتى.
«بۇل قاراپايىم اريفمەتيكا. 18 جىلداعى ينۆەستيسيالىق تابىستىڭ 50%-ى 18 جاسقا دەيىنگى قازاقستاندىقتاردىڭ سانىنا بولىنەدى. وسىلايشا ءارقايسى وزىنە تيەسىلى سومانى الادى، – دەدى ول.
قارجى ۆيسە-مينيسترى 18 جاسقا 1 اقپاننان كەيىن تولاتىن ازاماتتار اقشالارىن الۋ ءۇشىن ەلەكتروندى پلاتفورما ارقىلى ءوتىنىش بىلدىرۋگە ءتيىس ەكەنىن مالىمدەدى.
Dalanews-كە بەلگىلى بولعانداي، قاراجاتتى وقۋعا نەمەسە تۇرعىن ءۇي جاعدايىن جاقسارتۋعا جۇمساي الادى. اقشا ەلىمىزدەگى 7 ملن-عا جۋىق بالاعا تەڭدەي بولىنەدى. ونىڭ مولشەرى ۇلتتىق قوردىڭ ينۆەستيسيالىق تابىسىنا بايلانىستى.
بولجام بويىنشا 2024 جىلى تۋعان بالانىڭ شوتىنا 18 جىل ىشىندە 3500 اقش دوللارى جينالۋى ءتيىس. ال جىل سايىن شامامەن 150-160 دوللار اۋدارىلادى.
«18 جاسقا تولعان كەزدە جيناقتالعان قاراجات بالانىڭ ايرىقشا مەنشىگى بولادى. بالا 18 جاسقا تولعاننان كەيىن شوتتاعى قاراجات 10 جىل بويى ساقتالاتىن قۇقىق بەرىلەدى. شوتتاعى قاراجات 10 جىل ىشىندە تالاپ ەتىلمەگەن جاعدايدا، سول ادامنىڭ زەينەتاقى شوتىنا اۋدارۋ مۇمكىندىگى بار.قازاقستان رەسپۋبليكاسى ازاماتتىعىن جوعالتقان كەزدە تولەمدەرگە تالاپ قويۋ قۇقىعى دا جويىلادى»، - دەپ ءمالىم ەتتى بۇل رەتتە سالالىق مينيسترلىكتىڭ وكىلى.
ەستەرىڭىزگە سالايىق، پرەزيدەنت قاسىم-جومارت توقايەۆ 29 ماۋسىمدا قازاقستان رەسپۋبليكاسى ۇلتتىق قورىنداعى قاراجاتتىڭ ءبىر بولىگىن قازاقستاندىق بالالاردىڭ ەسەبىنە تولەۋ جونىندەگى جارلىققا قول قويدى. كەيىن 18 جاسقا دەيىنگى بالالاردىڭ شوتىنا اقشا اۋدارۋ ءتارتىبى ءتۇسىندىرىلدى.
«ۇلتتىق قور – بالالارعا» جوباسى اياسىندا 18 جاسقا دەيىنگى بالالارعا تولەم دوللارمەن تولەنەتىنى بەلىگىلى بولدى. ءبىرشاما ۋاقىتتان سوڭ ۇلتتىق قوردىڭ ينۆەستيسيالىق تابىسىنىڭ 50%-ى 18 جاسقا دەيىنگى بالالار اراسىندا تەڭ بولىنەتىنى جاريالاندى.
https://dalanews.kz/sadak/94574-deputat-sayyrov-yeks-shendige-qatysty-e
