«Ulttyq qor – balalarǵa» jobasy aiasyndaǵy alǵashqy aqsha balalardyń shotyna 2024 jyldyń 1 aqpanynan bastap túsedi», – dedi Qarjy vitse-ministri.
D. Temirbekov baǵdarlama 2024 jyldyń 1 qańtarynan bastalatynyn, aqshany esepteý men bir balaǵa shaqqandaǵy somany anyqtaýǵa bir ai qajet ekenin aitty.
«Bul qarapaiym arifmetika. 18 jyldaǵy investitsiialyq tabystyń 50%-y 18 jasqa deiingi qazaqstandyqtardyń sanyna bólinedi. Osylaisha árqaisy ózine tiesili somany alady, – dedi ol.
Qarjy vitse-ministri 18 jasqa 1 aqpannan keiin tolatyn azamattar aqshalaryn alý úshin elektrondy platforma arqyly ótinish bildirýge tiis ekenin málimdedi.
Dalanews-ke belgili bolǵandai, qarajatty oqýǵa nemese turǵyn úi jaǵdaiyn jaqsartýǵa jumsai alady. Aqsha elimizdegi 7 mln-ǵa jýyq balaǵa teńdei bólinedi. Onyń mólsheri Ulttyq qordyń investitsiialyq tabysyna bailanysty.
Boljam boiynsha 2024 jyly týǵan balanyń shotyna 18 jyl ishinde 3500 AQSh dollary jinalýy tiis. Al jyl saiyn shamamen 150-160 dollar aýdarylady.
«18 jasqa tolǵan kezde jinaqtalǵan qarajat balanyń airyqsha menshigi bolady. Bala 18 jasqa tolǵannan keiin shottaǵy qarajat 10 jyl boiy saqtalatyn quqyq beriledi. Shottaǵy qarajat 10 jyl ishinde talap etilmegen jaǵdaida, sol adamnyń zeinetaqy shotyna aýdarý múmkindigi bar.Qazaqstan Respýblikasy azamattyǵyn joǵaltqan kezde tólemderge talap qoiý quqyǵy da joiylady», - dep málim etti bul rette salalyq ministrliktiń ókili.
Esterińizge salaiyq, Prezident Qasym-Jomart Toqaev 29 maýsymda Qazaqstan Respýblikasy Ulttyq qoryndaǵy qarajattyń bir bóligin qazaqstandyq balalardyń esebine tóleý jónindegi jarlyqqa qol qoidy. Keiin 18 jasqa deiingi balalardyń shotyna aqsha aýdarý tártibi túsindirildi.
«Ulttyq qor – balalarǵa» jobasy aiasynda 18 jasqa deiingi balalarǵa tólem dollarmen tólenetini beligili boldy. Birshama ýaqyttan soń Ulttyq qordyń investitsiialyq tabysynyń 50%-y 18 jasqa deiingi balalar arasynda teń bólinetini jariialandy.
https://dalanews.kz/sadak/94574-deputat-sayyrov-yeks-shendige-qatysty-e
