«بٷگٸنگٸ تاڭدا قازاقستان-رەسەي شەكاراسىندا قازاقستان رەسپۋبليكاسىنا كٸرٸپ جاتقان شەتەل ازاماتتارىنىڭ سانى ارتقان. ورناتىلعان 30 اۆتوموبيلدٸك ٶتكٸزۋ پۋنكتٸ شتاتتىق رەجيمدە جۇمىس ٸستەۋدە. ادامدار مەن كٶلٸك قۇرالدارى اعىنىنىڭ ۇلعايۋىنا بايلانىستى, ونىڭ تٶرتەۋٸندە كەپتەلٸس بايقالۋدا. احۋال ەرەكشە باقىلاۋدا.
شەكارا قىزمەتٸ مەملەكەتتٸك قۇزىرەتتٸ ورگاندارمەن بٸرلەسٸپ, شەكارا ارقىلى ٶتۋ ورىندارىندا قاۋٸپسٸزدٸك پەن قۇقىقتىق تەرتٸپتٸڭ ساقتالۋىن قامتاماسىز ەتۋدە.
رەسەي شەكارا ۆەدومستۆوسىمەن ٶزارا بٸرلەسكەن ٸس-قيمىل ۇيىمداستىرىلدى.
ۇقك شەكارا قىزمەتٸ ٶزٸنٸڭ ٸس-ەرەكەتٸندە حالىقارالىق شارتتاردى جەنە قر ٸشكٸ زاڭناما نورمالارىن باسشىلىققا الادى»,-دەپ جازىلدى حابارلامادا.
ايتا كەتەيٸك, 21 قىركٷيەك كٷنٸ رەسەي پرەزيدەنتٸ ۆلاديمير پۋتين ەلدە جارتىلاي موبيليزاتسييا جارييالادى. ول ەسكەر قاتارىنا 300 مىڭ ازاماتتىڭ شاقىرىلاتىنىن ايتتى.
نەتيجەسٸندە رەسەي حالقى جاقىن-جۋىق شەتەلدەرگە جاپپاي قاشا باستاعان. العاشقى ساعاتتاردا-اق كٶرشٸ ەلدەرگە ەۋە بيلەتتەرٸ تولىقتاي ساتىلىپ كەتتٸ. رەسەيدٸڭ ٸرٸ قالالارىندا مىڭداعان حالىق «سوعىسقا قارسى ەكەندەرٸن» ايتىپ نارازىلىققا شىقتى.
قازاقستاننىڭ مەملەكەتتٸك ورگاندارى ەلگە كەلۋشٸ رەسەيلٸكتەردٸڭ كٷرت ٶتكەنٸنەن حاباردار ەكەنٸن جەتكٸزدٸ.
پارلامەنت سپيكەرٸ مەۋلەن ەشٸمباەۆ «رەسەي ازاماتى ٶز ەلٸنٸڭ مەملەكەتتٸك ورگانى قازاقستانعا كٶشۋٸنە قارسى ەمەس دەگەن قۇجات ۇسىنبايتىن بولسا, وعان قازاقستاندا تۇرۋعا ىقتييار حاتتىڭ بەرٸلمەيتٸنٸن» ايتتى.
«قازاقستان رەسپۋبليكاسىندا تۇراقتى تۇرۋعا رۇقسات ەتەتٸن قۇجات ەلٸمٸزدە قانداي دا بٸر مٷمكٸندٸكتەر ۇسىناتىنى انىق. بۇل قۇجاتتى الۋ ٷشٸن كەز كەلگەن باسقا ەلدٸڭ ازاماتى ٶز مەملەكەتٸنەن رۇقسات الۋى كەرەك. بۇل تالاپ ەلٸمٸزدٸڭ زاڭناماسىندا ناقتى بەلگٸلەنگەن. ياعني شەتەل ازاماتى ٶز ەلٸنەن كەتەتٸنٸ تۋرالى ارنايى پاراقشا مەن باسقا دا قۇجاتتاردى ۇسىنۋى تيٸس. ال ساياسي باسپانا بەرۋ, بوسقىن دەپ تانۋ مەن بوسقىن مەرتەبەسٸن بەرۋ – ول ٶز الدىنا باسقا مەسەلە. بۇل جاعداي حالىقارالىق شارتتارمەن, بۇۇ جەلٸسٸ بويىنشا ماقۇلدانعان تيٸستٸ قۇجاتتارمەن رەتتەلەدٸ. قازٸر بۇل تۇرعىدا مەسەلە كٶتەرەلٸپ جاتقان جوق», – دەدٸ مەۋلەن ەشٸمباەۆ.
ول, سونداي-اق قازاقستاننىڭ قۇقىق قورعاۋ جەنە كٶشٸ-قون ورگاندارى شەتەلدٸك ازاماتتاردىڭ, سونىڭ ٸشٸندە رەسەيلٸكتەردٸڭ ەلدە تۇراقتى تۇرۋ ٷشٸن ٶتٸنٸشتەرٸن ەسكەرە وتىرىپ, زاڭعا سەيكەس جۇمىس ٸستەيتٸنٸن اتاپ ٶتتٸ.
