2025 جىلعى 25 جەلتوقساندا پرەزيدەنت قاسىم-جومارت توقاەۆ مەملەكەتتٸ باسقارۋ جٷيەسٸن جەتٸلدٸرۋ جٶنٸندەگٸ جاڭا جارلىققا قول قويدى, دەپ حابارلايدى Dalanews.kz.
اقوردا حابارلاۋىنشا, قۇجات قازاقستان رەسپۋبليكاسىنىڭ كونستيتۋتسيياسىنىڭ 44-بابىنىڭ 21) تارماقشاسىنا سەيكەس مەملەكەتتٸك باسقارۋ جٷيەسٸنٸڭ تيٸمدٸلٸگٸن ارتتىرۋعا باعىتتالعان.
جارلىققا سەيكەس, قازاقستان رەسپۋبليكاسىنىڭ ۇلتتىق قاۋٸپسٸزدٸك كوميتەتٸنە قازاقستان رەسپۋبليكاسى جاساندى ينتەللەكت جەنە تسيفرلىق دامۋ مينيسترلٸگٸنٸڭ اقپاراتتىق-كوممۋنيكاتسييالىق ينفراقۇرىلىمنىڭ اسا ماڭىزدى وبەكتٸلەرٸنٸڭ اقپاراتتىق قاۋٸپسٸزدٸگٸن قامتاماسىز ەتۋ سالاسىنداعى مەملەكەتتٸك باقىلاۋ فۋنكتسييالارى مەن ٶكٸلەتتٸكتەرٸ بەرٸلەدٸ. وسىلايشا, ۇلتتىق قاۋٸپسٸزدٸك كوميتەتٸ بەرٸلگەن فۋنكتسييالار مەن ٶكٸلەتتٸكتەر شەڭبەرٸندە مينيسترلٸكتٸڭ قۇقىقتارى مەن مٸندەتتەرٸن قۇقىقتىق ميراسقور رەتٸندە جالعاستىرادى.
سونىمەن قاتار ٷكٸمەتكە ۇلتتىق قاۋٸپسٸزدٸك كوميتەتٸمەن بٸرلەسٸپ قازاقستان رەسپۋبليكاسىنىڭ زاڭناماسىن قاجەتتٸ تٷزەتۋلەرمەن قامتاماسىز ەتۋ, جارلىقتى ٸسكە اسىرۋعا قاتىستى بارلىق شارا قابىلداۋ تاپسىرىلدى.
