2025 jylǵy 25 jeltoqsanda Prezıdent Qasym-Jomart Toqaev memleketti basqarý júıesin jetildirý jónindegi jańa jarlyqqa qol qoıdy, dep habarlaıdy Dalanews.kz.

Aqorda habarlaýynsha, qujat Qazaqstan Respýblıkasynyń Konstıtýsıasynyń 44-babynyń 21) tarmaqshasyna sáıkes memlekettik basqarý júıesiniń tıimdiligin arttyrýǵa baǵyttalǵan.

Jarlyqqa sáıkes, Qazaqstan Respýblıkasynyń Ulttyq qaýipsizdik komıtetine Qazaqstan Respýblıkasy Jasandy ıntellekt jáne sıfrlyq damý mınıstrliginiń aqparattyq-kommýnıkasıalyq ınfraqurylymnyń asa mańyzdy obektileriniń aqparattyq qaýipsizdigin qamtamasyz etý salasyndaǵy memlekettik baqylaý fýnksıalary men ókilettikteri beriledi. Osylaısha, Ulttyq qaýipsizdik komıteti berilgen fýnksıalar men ókilettikter sheńberinde mınıstrliktiń quqyqtary men mindetterin quqyqtyq mırasqor retinde jalǵastyrady.

Sonymen qatar Úkimetke Ulttyq qaýipsizdik komıtetimen birlesip Qazaqstan Respýblıkasynyń zańnamasyn qajetti túzetýlermen qamtamasyz etý, jarlyqty iske asyrýǵa qatysty barlyq shara qabyldaý tapsyryldy.