جەتٸسۋ وبلىسىندا ۇلتتىق كٸتاپ كٷنٸ مەرەكەسٸنە وراي تٷرلٸ فورماتتا ٸس-شارالار ٶتكٸزٸلۋدە. سونىڭ ٸشٸندە چەللەندجدەر, بۋككروسسينگ اكتسيياسى, كومپوزيتسييا كەشتەرٸ, كونفەرەنتسييا, ساياحات ساباعى, كەزدەسۋلەر, كٸتاپ كٶرمەلەرٸ مەن جەرمەڭكەلەر جەنە باسقالارىن اتاپ ٶتۋگە بولادى, دەپ حابارلايدى Dalanews.kz.
- ۇلتتىق كٸتاپ كٷنٸ مەملەكەت باسشىسىنىڭ باستاماسىمەن 2024 جىلدان بەرٸ اتالىپ ٶتٸلۋدە. وبلىستا جالپى سانى 150 كٸتاپحانا بولسا, كٸتاپ كٷنٸنە ارنالعان ٸس-شارالار سولاردىڭ بارلىعىندا بەلسەندٸ ٶتكٸزٸلٸپ جاتىر. بٸز تەك باسقوسۋلارمەن شەكتەلمەي, قازٸرگٸ زامانعى جاڭا فورماتتاردى دا كەڭٸنەن قولدانامىز. بۇل رەتتە ەسٸرەسە جاستاردىڭ قىزىعۋشىلىعى ٷلكەن ەكەنٸ بايقالادى, وعان بٸز قۋانامىز. جاستاردىڭ كٸتاپقا دەگەن سٷيٸسپەنشٸلٸگٸن وياتۋ ارقىلى ولاردى مەدەني-رۋحاني, اعارتۋشىلىق-تانىمدىق تۇرعىدا دامىتۋعا, وي كٶكجيەگٸن كەڭەيتۋگە ىقپال ەتۋگە بولادى, - دەدٸ وبلىستىق مەدەنيەت, ارحيۆتەر جەنە قۇجاتتاما باسقارماسىنىڭ باسشىسى قۋانىش سٷلەيمەنوۆ.
مەسەلەن, سەكەن سەيفۋللين اتىنداعى ورتالىق كٸتاپحانا «كٸتاپ جەنە پٸكٸر الاڭى» اتتى تالقىلاۋ كەشٸن, «ٶلكە اۆتورلارى – ەلەم تٸلٸندە» اتتى ەدەبي پودكاست, «كٸم تاپقىر?» زيياتكەرلٸك ويىنىن ۇيىمداستىرسا, كٶكسۋ اۋداندىق كٸتاپحاناسىندا «بٷگٸنگٸ ترەند – كٸتاپ وقۋ» كٸتاپ كٶرمەسٸ, «تاپقىر بولساڭ, تاۋىپ كٶر» ۆيكتورينالىق ويىنى, «جاڭا كٸتاپتار» دەفيلەسٸ, «عاسىرلار تارتىسى: كٸتاپ پەن سمارتفون» اتتى ساحنالىق كٶرٸنٸس ۇسىنىلدى.
مۇندا قازاق جەنە شەتەل ەدەبيەتٸ كلاسسيكتەرٸنٸڭ شىعارمالارىنداعى كەيٸپكەرلەر, كٸتاپقا قاتىستى باسقا دا ساۋالدار قويىلىپ, ٶزارا پٸكٸر الماسىلدى. جاڭا كٸتاپتار مەن سيرەك كەزدەسەتٸن كٸتاپتاردىڭ دانالارى تانىستىرىلىپ, كٶرسەٸلدٸ, كٸتاپ پەن زاماناۋي گادجەتتەردٸڭ ارتىقشىلىعى مەن كەمشٸلٸگٸ تالقىلاندى.
اتالعان ٸس-شارالارعا جەرگٸلٸكتٸ مەكتەپ وقۋشىلارى, كٸتاپحانا وقىرماندارى, قالامگەرلەر, جالپى كٸتاپسٷيەر قاۋىم قاتىستى.
- «كٸتاپ جەنە پٸكٸر الاڭى» كەشٸ ٶتە مازمۇندى ەرٸ قىزىقتى ٶتتٸ. كٸتاپقا بايلانىستى سٶزدەردٸڭ ورىندارى اۋىستىرىلىپ جازىلعان ەرٸپتەردەن دۇرىس سٶز قۇراستىرىپ جارىستىق, جاسىرعان سان تٷرلٸ كەيٸپكەرلەردٸ تاپتىق, ٶز ويىمىزدى ەركٸن جەتكٸزٸپ, كٸتاپقا قاتىستى تٷرلٸ كٶزقاراستارمەن تانىستىق. مەن سەيفۋللين اتىنداعى كٸتاپحاناعا تۇراقتى كەلەمٸن. وسىنداي قىزىقتى كەشتەردەن كەيٸن كٸتاپ وقۋعا دەگەن قىزىعۋشىلىعىمىز ارتا تٷستٸ, - دەيدٸ جاس وقىرمان, تالدىقورعان قالاسىنداعى № 15 مەكتەپتٸڭ 7-سىنىپ وقۋشىسى اياجان سەبيتقىزى.
وسى شارالارعا بەلسەندٸ قاتىسىپ جٷرگەن «ميزام» جىلجىمالى ەدەبي مەكتەپتٸڭ ٶكٸلدەرٸ دە پٸكٸر بٸلدٸردٸ.
- بٸز قۇرعان «ميزام» مەكتەبٸ كٸتاپ وقىتۋدىڭ تٷرلٸ ەدٸستەرٸن بارىنشا قامتىپ, وسىنداي ٸس-شارالاردىڭ باسى-قاسىنان ٷنەمٸ تابىلادى. «ميزام» مەكتەبٸ – جاي عانا ەدەبي ورتا ەمەس, ول – كٸتاپ ارقىلى تۇلعا قالىپتاستىراتىن رۋحاني الاڭ. بٸزدٸڭ ماقساتىمىز - وقۋدى مٸندەت ەمەس, ٶمٸر سالتىنا اينالدىرۋ. كٸتاپ وقۋ – تەك مەتٸندٸ تٷسٸنۋ عانا ەمەس, كەيٸپكەرمەن بٸرگە وي كەشۋ, اۆتوردىڭ ەلەمٸنە ەنۋ, ٶز بولمىسىڭدى تانۋ. وسىنداي تەسٸلدٸڭ ارقاسىندا وقۋشىلاردىڭ سٶزدٸك قورى بايىپ, ويلاۋ قابٸلەتٸ تەرەڭدەپ, رۋحاني كٶكجيەگٸ كەڭەيەدٸ, - دەيدٸ «ميزام» ەدەبي جىلجىمالى مەكتەبٸنٸڭ دەرٸسكەرٸ, اقىن مۇحتار كٷمٸسبەك.
ۇلتتىق كٸتاپ كٷنٸنٸڭ ماڭىزىن ارتتىرۋ, سول ارقىلى قوعامدا كٸتاپ وقۋ مەدەنيەتٸن قالىپتاستىرۋ ماقساتىندا قولعا الىنعان مۇنداي ٸس-شارالار بارلىق اۋدان-قالالاردى قامتىدى.
