ساعات 14:00-دە جامبىل اۋدانى (الماتى وبلىسى) ۇلكەن اۋىلىنداعى №332 رەفەرەندۋم ۋچاسكەسىندە تۇرعىنداردىڭ 70 پايىزدان استامى داۋىس بەردى. اۋىل تۇرعىندارىنىڭ بەلسەندىلىگى تاڭ قالدىرادى: ءقازىردىڭ وزىندە 775 ادام داۋىس بەرىپ ۇلگەردى.
– بۇگىن ءبىز رەفەرەندۋمنىڭ بارلىق قازاقستاندىقتار ءۇشىن ماڭىزدىلىعىن بايقاپ وتىرمىز، سايلاۋ ۋچاسكەسىندە ءبارى ادەتتەگىدەي وتۋدە، ەشقانداي زاڭ بۇزۋشىلىقتار تىركەلگەن جوق، – دەپ اتاپ ءوتتى ۇلكەندەگى رەفەرەندۋم ۋچاسكەلىك كوميسسياسىنىڭ ءتوراعاسى ءاليا ۇكىبايەۆا.
الماتى وبلىسىندا بارلىعى 643 رەفەرەندۋم وتكىزۋ ۋچاسكەسى اشىلىپ، جۇمىسى توقتاۋسىز جالعاسۋدا. رەسپۋبليكالىق رەفەرەندۋمدى وتكىزۋگە 655 رەفەرەندۋم كوميسسياسى قاتىسادى، ونىڭ ىشىندە وبلىستىق جانە 11 اۋماقتىق كوميسسيالار بار.
