ۇلىتاۋ وبلىسىندا ازاماتتاردى «قازاقمىس» كورپوراتسيياسىنا جۇمىسقا ورنالاستىرامىن دەپ الداعان تۇلعالارعا قاتىستى 9 قىلمىستىق ٸس تەرگەلٸپ جاتىر. ونىڭ التاۋى سوتقا جولدانعان, دەپ حابارلايدى Dalanews.kz
تەرگەۋ ماتەريالدارىنا سەيكەس, كٷدٸكتٸلەر تۇرعىنداردىڭ سەنٸمٸنە كٸرٸپ, جالعان ۋەدەلەر ارقىلى الدىن الا اقشا العان. نەتيجەسٸندە جەبٸرلەنۋشٸلەرگە جالپى سوماسى 16 ميلليون تەڭگەدەن استام ماتەريالدىق شىعىن كەلتٸرٸلگەن.
الاياقتار ٶزٸن جۇمىسقا قابىلداۋعا ىقپال ەتەتٸن تۇلعالار رەتٸندە تانىستىرىپ, ازاماتتارعا «قازاقمىس» كورپوراتسيياسىنا ورنالاستىرىپ بەرەمٸز دەگەن جەلەۋمەن قارجى تالاپ ەتكەن. الايدا ۋەدەلەر ورىندالماي, جەبٸرلەنۋشٸلەر الدانعان.
ۇلىتاۋ وبلىسى پوليتسييا دەپارتامەنتٸ ازاماتتاردى ساق بولۋعا شاقىرىپ, كەز كەلگەن ۇيىمعا جۇمىسقا ورنالاسۋ تەك رەسمي تٷردە, مەكەمەنٸڭ كادر قىزمەتٸ ارقىلى جٷزەگە اساتىنىن ەسكەرتەدٸ.
قۇقىق قورعاۋ ورگاندارى كٷمەندٸ ۇسىنىستارعا سەنبەۋگە, جەكە قاراجاتتى بٶگدە تۇلعالارعا بەرمەۋگە كەڭەس بەرەدٸ. الاياقتىق بەلگٸلەرٸنە تاپ بولعان جاعدايدا ازاماتتارعا دەرەۋ پوليتسيياعا جٷگٸنۋ ۇسىنىلادى.
