Ulytaý oblysynda azamattardy «Qazaqmys» korporatsiiasyna jumysqa ornalastyramyn dep aldaǵan tulǵalarǵa qatysty 9 qylmystyq is tergelip jatyr. Onyń altaýy sotqa joldanǵan, dep habarlaidy Dalanews.kz
Tergeý materialdaryna sáikes, kúdiktiler turǵyndardyń senimine kirip, jalǵan ýádeler arqyly aldyn ala aqsha alǵan. Nátijesinde jábirlenýshilerge jalpy somasy 16 million teńgeden astam materialdyq shyǵyn keltirilgen.
Alaiaqtar ózin jumysqa qabyldaýǵa yqpal etetin tulǵalar retinde tanystyryp, azamattarǵa «Qazaqmys» korporatsiiasyna ornalastyryp beremiz degen jeleýmen qarjy talap etken. Alaida ýádeler oryndalmai, jábirlenýshiler aldanǵan.
Ulytaý oblysy Politsiia departamenti azamattardy saq bolýǵa shaqyryp, kez kelgen uiymǵa jumysqa ornalasý tek resmi túrde, mekemeniń kadr qyzmeti arqyly júzege asatynyn eskertedi.
Quqyq qorǵaý organdary kúmándi usynystarǵa senbeýge, jeke qarajatty bógde tulǵalarǵa bermeýge keńes beredi. Alaiaqtyq belgilerine tap bolǵan jaǵdaida azamattarǵa dereý politsiiaǵa júginý usynylady.
