ۇلىتاۋ وبلىسىندا قوعام بەلسەندىسى، ءۇش بالانىڭ اناسى اسەل ايتماعانبەتوۆا الەۋمەتتىك جەلىدەگى سىني بەينەجازبالارى ءۇشىن 495 مىڭ تەڭگە كولەمىندە ايىپپۇل تولەۋگە مىندەتتەلدى. اكىمشىلىك ءىس وبلىس اكىمدىگىنىڭ باستاماسىمەن قوزعالعان، دەپ حابارلايدى Dalanews.kz.

ايتماعانبەتوۆا 2025 جىلدىڭ مامىر ايىندا قوستانايدان جەزقازعانعا قونىس اۋدارعان. ونىڭ ايتۋىنشا، قالاداعى ينفراقۇرىلىمدىق احۋال مەن تۇرعىنداردىڭ تۇرمىس دەڭگەيى كۇتپەگەن جەردەن تەرىس اسەر قالدىرعان.

“سۋدىڭ ءتۇسى لاي، فيلتر دە كومەكتەسپەيدى. ادامدار ۋلانۋدا، ونكولوگ مامان جوق. قالا سوعىستان كەيىنگى كۇيدى ەسكە سالادى. جۇمىس تاپشى، ال بار جۇمىسقا تۇرۋ ءۇشىن پارا سۇرالادى. وسى ماسەلەلەردىڭ ءبارىن بەينەجازبالارىمدا كورسەتتىم”، – دەيدى ول Orda.kz تىلشىسىنە بەرگەن سۇحباتىندا.

اسىرەسە كوپشىلىكتىڭ نازارىن اۋدارتقان بەينەروليكتەردىڭ ءبىرى جەزقازعانداعى كوپسالالى وبلىستىق اۋرۋحانانىڭ جاعدايىنا ارنالعان جازبا بولعان. وسى جاريالانىمنان كەيىن، 18 ماۋسىم كۇنى اسەلدى پوليسيا دەپارتامەنتىنە “ءتۇسىندىرۋ جۇمىستارى” ءۇشىن شاقىرعان.

كوپ ۇزاماي، وبلىس اكىمىنىڭ شاعىمىنان كەيىن ءىس سوتقا ءوتىپ، سوت شەشىمى بەلسەندىنىڭ پايداسىنا ەمەس، اكىمدىك پايداسىنا شىقتى. ناتيجەسىندە ايتماعانبەتوۆا 495 مىڭ تەڭگە ايىپپۇل تولەۋگە ءماجبۇر.

“مەنىڭ ويىمشا، بۇل جازا شىنايى پروبلەمالاردى اشىق كوتەرگەنىم ءۇشىن بەرىلگەن جاۋاپ”، – دەيدى اسەل ايتماعانبەتوۆا.