سول جاراقاتتان نەر تاتا الماي قالعان جٸگٸتتٸڭ جاعدايى كٷننەن-كٷنگە ناشارلاپتى, دەپ حابارلايدى Dalanews.kz كتك ارناسىنا سٸلتەمە جاساپ.
اناسىنىڭ ايتۋىنشا, شۋمكوۆ كٸنەسٸن مويىنداماي, ماڭايلاتپاي قويعان. اشىنعان جٸگٸت اقىرى وسىنداي اۋىر قىلمىسقا بارعان. جاقىندارى تەرگەۋ يزولياتورىنداعى ايىپتالۋشىنىڭ جاعدايى ودان بەتەر ناشارلاپ, جٷرٸپ-تۇرۋدان قالدى دەيدٸ.
اقپاندا گاستروەنتەرولوگ يۋريي شۋمكوۆتىڭ قابىلداۋىنا جازىلعاندا نۇرجاننىڭ تۇرپاتى زٸڭگٸتتەي بولعان. اناسىنىڭ ايتۋىنشا, اسقازانىن تەكسەرۋ ٷشٸن ناركوزبەن زوند ٶتكٸزگەندە كەڭٸردەكتەگٸ شەمٸرشەگٸ سىنىپ, ەكٸ ايدىڭ ٸشٸندە 95-تەن 64 كەلٸ سالماققا بٸر-اق تٷسكەن. شاراسىز انا تاماق ٸشە الماي قۇر سٷلدەرٸ قالعان جٸگٸت دەرٸگەر قاتەسٸن مويىنداماي, تەرٸس اينالعاننان وسىنداي قىلمىسقا بارعانىن ايتادى.
"كەيٸن باردى, مەنسٸز باردى, كەلٸنمەن. سول كەزدە بارىپ ايتسا, تىڭداماي سالقىن شىعارىپ سالىپتى. ٶيتكەنٸ بارلىق جەرگە بارىپ قارالعاندا, ەشقانداي دەرٸگەر الاتىنىن الىپ, قارالاتىنىن قارالىپ العاننان كەيٸن, تٸپتٸ بۇدان قاشا باستادى. جازىلماعاننان كەيٸن ولار ەشقانداي دياگنوز قويمادى, قاشا باستادى", – دەيدٸ كٷدٸكتٸنٸڭ اناسى باقىت.
"قولىمەن ٸستەگەندٸ موينىمەن كٶتەرەدٸ” دەگەن اناسى نۇرجان سوتقا جەتپەي ٶلٸپ كەتە مە دەپ سارى ۋايىمعا تٷسكەن. تەرگەۋ يزولياتورىندا حەلٸ كٷرت ناشارلاپ كەتٸپتٸ. قاعاز جٷزٸندە “دەنساۋلىعى قالىپتى” دەگەندەردٸڭ سٶزٸنە كٷدٸكپەن قارايدى.
"زٸلتەمٸرمەن ەكەلٸپ جولىقتىرادى. نە تۇرا المايدى, نە جٷرە المايدى, نە تاماق ٸشە المايدى. جانىنداعى دەرەتٸن, قۇسقان قۇسىقتارىنىڭ بەرٸن جانىنداعى ادامدار تٶگٸپ قاراپ جاتىر. ال دەرٸگەر قارايدى دەگەنٸ, ولار قاعاز جٷزٸندە عانا قاراپ جاتىر. نەگٸزٸندە بالاعا ەشقانداي ەم قولدانىپ جاتقان جوق. سەبەبٸ دەرٸگەردٸ ٶلتٸردٸڭ دەگەندەي بالاما قاراماي وتىر", – دەپ قوستى اناسى.
ٶز دەرٸگەرٸن تۋ سىرتىنان اتىپ ٶلتٸرگەن جاعا ۇستاتارلىق جايت سەۋٸردٸڭ تٶرتٸندە بولدى. يۋريي شۋمكوۆ العان جاراقاتتان تٸلگە كەلمەي سول جەردە جان تاپسىردى. پوليتسييا تەرگەۋ قۇپيياسى دەگەن جەلەۋمەن وسى ۋاقىتقا دەيٸن قىلمىسقا قانداي سەبەپ يتەرمەلەگەنٸن ايتپاعان ەدٸ.
35 جاستاعى كٷدٸكتٸ نۇرجان ٷش بالانىڭ ەكەسٸ. جەكە كەسٸپكەرلٸكپەن اينالىسقان. وسىعان دەيٸن ٸستٸ بولماعان. تٷرمەگە وتىرسا دا, “و دٷنيەگە اتتانىپ كەتپەسٸن” دەپ شىرىلداعان انا جالعىز ۇلىنىڭ ناقاقتان-ناقاق قاراۋسىز ٶلٸپ كەتپەگەنٸن قالايدى. جەنە بارلىعىنان ٶزەكتٸ ٶرتەگەن ٶكٸنٸشپەن كەشٸرٸم سۇرايدى.
"قۇرمەتتٸ قازاقستان حالقى, بالامنىڭ قىلىعى ٷشٸن 19 ميلليون حالىقتىڭ الدىندا كەشٸرٸم سۇرايمىن. قايتىس بولعان دەرٸگەردٸڭ وتباسىنان, تۋىستارىنان باسىمدى يٸپ كەشٸرٸم سۇرايمىن, بٸزدٸ كەشٸرسٸن", – دەپ تٷيٸندەدٸ كٷدٸكتٸنٸڭ اناسى باقىت.
ايتا كەتەيٸك, بۇعان دەيٸن الماتىدا بەلگٸلٸ دەرٸگەر يۋريي شۋمكوۆتى ٶلتٸرٸپ كەتكەنٸ تۋرالى حابارلاعان ەدٸك. ودان بۇرىنعى ەمدەلۋشٸسٸ كەك الماق بولعان.
