اقش ۆيسە-پرەزيدەنتى دجوزەف بايدەن ۇكىمەت باسشىسى قىزمەتىنەن كەتەتىنى تۋرالى مالىمدەگەن ۋكراينا پرەمەر-مينيسترى ارسەنيي ياسەنيۋكپەن تەلەفون ارقىلى سويلەستى.
اقش ۆيسە-پرەزيدەنتى ۋكراينا ءۇشىن تاريحي ماڭىزى جوعارى كەزەڭدەگى ارىپتەستىگى ءۇشىن ياسەنيۋككە العىسىن ءبىلدىردى.
ول ەكى جىل ىشىندە اۋىر دا بولسا قاجەت اكونوميكالىق رەفورمالاردى جۇرگىزگەن، ەۋروپا وداعىمەن قاۋىمداستىق تۋرالى كەلىسىمگە قول قويعان جانە ۋكراينانىڭ ەنەرگەتيكالىق تاۋەلسىزدىگىن قامتاماسىز ەتۋگە تىرىسقان ۋكراين ۇكىمەتىن جەتىستىكتەرىمەن قۇتتىقتادى.
بايدەن مەن ياسەنيۋك ۋكراينا ەكونوميكاسىنداعى وزگەرىستەردىڭ ودان ءارى جالعاسۋى ۋكراين حالقىنىڭ ءال-اۋقاتى مەن جاقسى بولاشاعىن قامتاماسىز ەتۋگە قاجەت ەكەنىن مالىمدەدى. ولار سونىمەن بىرگە حالىقارالىق ۆاليۋتا قورى جانە ەۋروپالىق وداق كەڭەس ەتكەن قاجەتتى رەفورمالاردى جۇزەگە اسىراتىن جاڭا مينيسترلەر كابينەتىن جاساقتاۋدىڭ ماڭىزىن اتاپ ءوتتى.
