AQSh vitse-prezidenti Djozef Baiden úkimet basshysy qyzmetinen ketetini týraly málimdegen Ýkraina premer-ministri Arsenii Iatseniýkpen telefon arqyly sóilesti.
AQSh vitse-prezidenti Ýkraina úshin tarihi mańyzy joǵary kezeńdegi áriptestigi úshin Iatseniýkke alǵysyn bildirdi.
Ol eki jyl ishinde aýyr da bolsa qajet ákonomikalyq reformalardy júrgizgen, Eýropa odaǵymen qaýymdastyq týraly kelisimge qol qoiǵan jáne Ýkrainanyń energetikalyq táýelsizdigin qamtamasyz etýge tyrysqan ýkrain úkimetin jetistikterimen quttyqtady.
Baiden men Iatseniýk Ýkraina ekonomikasyndaǵy ózgeristerdiń odan ári jalǵasýy ýkrain halqynyń ál-aýqaty men jaqsy bolashaǵyn qamtamasyz etýge qajet ekenin málimdedi. Olar sonymen birge Halyqaralyq valiýta qory jáne Eýropalyq odaq keńes etken qajetti reformalardy júzege asyratyn jańa ministrler kabinetin jasaqtaýdyń mańyzyn atap ótti.
