ورتالىق ساراپشىسى رۋسلان لەۆيەۆتٸڭ پايىمداۋىنشا كيەۆتٸڭ باسقىنشىلاردىڭ بەتٸن قايتاراتىن پوتەنتسيالى بار, بۇعان قاجەتتٸ رەسۋرس تا جەتكٸلٸكتٸ.
اقش پەن باتىس ەلدەرٸنەن ٷزدٸكسٸز كەلٸپ جاتقان ەسكەري كٶمەك ساربازداردىڭ رۋحىن كٶتەرٸپ, كٶڭٸلدەرٸنە ٷمٸت وتىن سەپكەن.
"ەزٸر ۋكراين ەسكەرٸ بايدەن قول قويعان لەند-ليزدٸڭ ەرتەلەتٸپ ەلگە جەتۋٸن كٷتٸپ وتىر. ەسكەري تەحنيكا, قاجەتتٸ قارۋ-جاراق باستاپقى كەزدەگٸدەي تاپشى ەمەس, ٷستٸ-ٷستٸنە كەلٸپ جاتىر.
الداعى بٸر جارىم-ەكٸ ايدا مايدانداعى احۋال كٷرت ٶزگەرٸپ, تارازى تاسى ۋكرايناعا قاراي اۋادى.
ونسىز دا قىپ-قىزىل شىعىنعا باتىپ, مىڭداعان ادامىنان ايىرىلعان وككۋپانتتار بٸر-ەكٸ ايدان كەيٸن ٶز شەكاراسىنا قاراي جىلىستاي باستادى", – دەيدٸ ساراپشى.
ونىڭ ايتۋىنشا ۋكراين جاۋىنگەرلەرٸنٸڭ كەسٸبي دەڭگەيٸ مەن دايارلىعى باسقىنشىلارعا قاراعاندا كٶش ٸلگەرٸ.
قارىمتا شابۋىلعا شىعۋعا ەسكەريلەر دە, حالىق تا تاس-تٷيٸن دايىن وتىر. كيەۆ حالىقتىڭ تالابىنا قۇلاق اسۋى تيٸس.
ۋكراين ەسكەريلەرٸ دونباسستاعى ورىس وككۋپانتتارىن قاجەتتٸ كەرەك-جابدىقپەن قامتاماسىز ەتٸپ وتىرعان باعىتتاردىڭ جولىن كەسسە, پۋتين ارميياسى اشتان ٶلەدٸ.
"قازٸر ۋكراينانىڭ شىعىسىندا باسقىنشىلاردىڭ شامامەن 80 مىڭعا تارتا جاۋىنگەرٸ بار.
كٶپشٸلٸگٸنٸڭ كٶڭٸل-كٷيٸ جوق, سوعىسۋدان باس تارتىپ جاتقان ساربازداردىڭ سانى كەيبٸر ەسكەري بٶلٸمدەردە 30-40 پايىزعا دەيٸن جەتەدٸ.
رەسەيدٸڭ ەسكەري تەحنيكاسى دا كٶنەرگەن, كٶپشٸلٸگٸ ٸستەن شىعىپ جاتىر. ورىس ەسكەرٸ قاراپايىم بايلانىس قۇرالدارىنىڭ ٶزٸن اليەكسپرەسستەن الدىرۋعا مەجبٷر", – دەيدٸ ساراپشى.
